Jelte (4) docht Glêzen Hûs op slot: lanlike aksje fan start
Yn Zwolle hat de 4-jierrige Jelte fan Ljouwert it Glêzen Hûs fan 3FM Serious Request op slot dien. Hy is dit jier ien fan de gesichten fan de goededoele-aksje.
Jelte de Haan hat in metaboale sykte en hat dêrom net mear lang te libjen. De radiostjoerder fiert dit jier aksje om jild op te heljen foar Metakids, in organisaasje dy't him ynset foar bern mei sa'n sykte.
Mei fjouwer oare bern dy't deselde sykte ha, mocht Jelte it Glêzen Hûs ticht dwaan. Hy die dat mei help fan syn twa sussen.
Grutste deadsoarsaak by bern
Om de dei wurdt der in berntsje mei in metaboale sykte berne. Sy komme faak foar harren 18e jierdei al te ferstjerren. Dêrmei is it de grutste deadsoarsaak by bern.
In oerke nei't Jelte it Glêzen Hûs op slot sette, mocht er mei syn âlden en suskes it Glêzen Hûs yn om by de dj's te sjen.
Se lieten ûnder oare in grutte croissant achter, dy't troch alle artysten dy't delkomme sinjearre wurdt. "Als we genoeg geld ophalen, is 50 procent van de kinderen met een metabole ziekte behandelbaar", fertelde mem Sanne de Haan oan de dj's. "Nu is dat slechts 15 procent."
Oare Jeltes rêde
Ek heit Hein de Haan is der wiis mei dat 3FM dit ûnderwerp keazen hat om jild foar op te heljen. "Er zijn 10.000 kinderen in Nederland die een metabole ziekte hebben, maar het is nog heel onbekend. Dus het is belangrijk dat er aandacht en geld komt, zodat we onderzoek kunnen versnellen. Zo kunnen we volgende 'Jeltes' redden."
De start fan Serious Request, de aksje dy't dit jier yn it ramt stiet fan metaboale sykten
Sanne hopet op twa dingen: "Allereerst hoop ik dat hier aan het eind van deze actie een megagrote cheque ligt, want elke euro gaat ervoor zorgen dat de 'volgende Jelte' wel gered gaat worden. Maar ik hoop ook dat iedereen op 1 januari weet wat een metabole ziekte is."
"Dit is een heel bijzondere dag", seit Hein. "Het is heel mooi om dit met z'n vijven te kunnen beleven."
Goede timing
It wie noch wol even spannend oft Jelte der hjoed yn Zwolle by wêze koe, fertelt syn heit. "Hij was de afgelopen dagen ziek, tot en met gisteren lag-ie op bed."
"Maar hij heeft een goede nacht gehad en vandaag is hij beter, dus het komt mooi bij elkaar."
De trije dj's dy't de kommende dagen opsletten sitte yn it Glêzen Hûs, binne Wijnand Speelman, Barend van Deelen en Sophie Hijlkema. Dy lêste komt, krekt as Jelte, út Ljouwert wei.
Aksje oant en mei tiisdei
Serious Request wurdt sûnt 2004 alle jierren yn de wike foar de krystdagen organisearre. De aksje rint oant en mei kommende tiisdei, de dei foar earste krystdei. Dan meie de dj's it Glêzen Hûs wer út.
