Seizoen foarby foar Hearrenfeanspiler Van Axel Dongen: "Doet me heel veel pijn"
Amourricho van Axel Dongen komt dit seizoen net mear yn aksje foar sc Hearrenfean. De oanfaller, dy't dit seizoen hierd wurdt fan Ajax, hat in blessuere oan syn boppeskonk en dat blykt slimmer as earst tocht.
"Amourricho is bijzonder aangedaan", seit trainer Robin Veldman. "En het doet mij als mens, als trainer en als voetballiefhebber heel veel pijn dat een jonge sporter niet zijn droom kan najagen."
Pikefel
Van Axel Dongen kaam troch blessuereleed yn totaal sân wedstriden yn aksje foar Hearrenfean en skoarde dêryn ien kear, de lykmakker yn de thúswedstriid tsjin Feyenoord.
"Toen had ik kippenvel", fertelt Veldman. "En toen hij mij de uitslag vertelde van de scan van zijn bovenbeen, kreeg ik weer kippenvel."
Yn de lêste fiif kompetysjewedstriden moat Hearrenfean it dus sûnder Van Axel Dongen dwaan. "We spelen nog maar een paar wedstrijden waarin hij moet terugkeren van zijn blessure en dan ook nog eens wedstrijdfit moet worden. Dat is vrij onrealistisch", seit Veldman.
AZ
Hearrenfean nimt it kommende sneintemiddei op tsjin AZ. It is in duel tusken de nûmers seis en sân op de ranglist. AZ hat ien punt mear as de Friezen, mar Hearrenfean is dwaande mei in goeie searje mei seis oerwinningen út de lêste acht wedstriden.
Robin Veldman oer de wedstriid tsjin AZ en de blessuere fan Van Axel Dongen
Doelman Andries Noppert reizget net mei nei Alkmaar foar de wedstriid tsjin AZ. Hy hat noch tefolle lêst fan syn rêch en hat ôfrûne wike net traind.
Dêrtsjinoer stiet dat Veldman wer beskikke kin oer oanfaller Dylan Vente. Vente mocht ôfrûne wykein net meidwaan fanwegen 'paspoortgate', mar dat is oplost.
