Hearrenfean hie dizze wike acht ynternasjonals op 'n paad: "Niet ideaal"

Hiel bliid mei dy situaasje wie de trainer net. "We misten er nu acht en die sloten gisteren pas weer aan. Dat is heel laat."

Simon Olsson makke syn debút foar Sweden, Thom Haye en Nathan Tjoe-A-On spilen foar Yndonezië en Pawel Bochniewicz pleatste him sûnder te spyljen mei Poalen foar it EK.

Oliver Braude spile foar Jong Noarwegen, Hussein Ali wûn twa kear in WK-kwalifikaasjewedstriid mei Irak, Loizos Loizou joech in assist foar Syprus en Ion Nicolaescu spile en skoarde foar Moldavië.

Se wienen dus allegear suksesfol. Boppedat kamen se hast allegear fit werom. Dochs fynt Van Wonderen it lang net ideaal.

"Je moet je vizier op de volgende wedstrijd anders inrichten. En de jongens hebben behoorlijke reizen gemaakt en flink wat minuten gemaakt. Daar moet je wel rekening mee houden. Zeker ook omdat je nu een aantal wedstrijden achter elkaar krijgt."

Allinnich Hussein Ali is net fit weromkaam. Hy is der dêrom sneon tsjin RKC Waalwijk net by. Ek Luuk Brouwers - dy't fjouwer wiken lyn tsjin PEC Zwolle útfoel - giet net mei nei Brabân.

Brouwers hat al wol wer meitraind, mar hat noch lêst fan 'e hamstring. Van Wonderen hopet dat hy der folgjende wike tsjin FC Utrecht wer by is.

Tsjin RKC kinne alle oare ynternasjonals wol spylje, mar it kin wêze dat Van Wonderen de wedstriden dêrnei der wol rekken mei hâldt dat guon spilers efkes rêst krije.

"We hebben jongens die nog geen 90 minuten kunnen spelen. Neem een Patrik Wålemark. Die komt er wel aan. Dat geldt ook voor Ion Nicolaescu, die met Moldavië een half uur en een helft heeft gespeeld. Dus die zit in een mooie opbouw. die kan tegen RKC een helft spelen."

RKC Waalwijk stiet op it stuit sechtjinde. Dat soe oan de ein fan dit seizoen in plak yn de play-offs foar degradaasje betsjutte. Mar Van Wonderen fynt it gjin minne ploech.

In pear foarbylden: "Ze verliezen met tien man nipt bij Feyenoord, ze winnen van Twente thuis, ze verliezen nipt bij Go Ahead Eagles. Je moet het echt goed voor elkaar hebben om ze te bestrijden. Het is een ploeg met kwaliteit en scorend vermogen."

Hearrenfean stiet op dit stuit alfde. Foar it heljen fan de play-offs moat Hearrenfean by de earste njoggen einigje. De einfaze fan de kompetysje is yn sicht.

Van Wonderen: "We komen nu in een fase komt waar het erom gaat. Die 26 wedstrijden hiervoor zijn leuk, maar je moet nu zorgen dat je op je allerbest bent. We kijken met een schuin oog naar die play-offplekken, maar je kan niet heel veel meer laten lopen. Er staat nog genoeg op het spel."