Degradaasjesône tichtby; kin Harkemase Boys it tij noch keare?

Op 6 novimber 2021 wie it de lêste kear dat Harkemase Boys wûn: mei 5-0 fan Staphorst. Dêrnei ferlear it sân kear en spile it fiif kear lyk.

Tiisdeitejûn gong it wer mis: thús tsjin SteDoCo kaam de ploech fan Jan-Piet Bosma noch wol op foarsprong, mar troch twa lette tsjingoals waard it 1-2.

Ein desimber hat Harkemase Boys bekend makke dat se nei dit seizoen net fierder gean mei trainer Jan Piet Bosma.

"Nee fansels net. 'De kelk moet blijkbaar helemaal leeg'. We sitte yn de hoeke dêr't de klappen falle. Dy jonges gean der noch hieltyd foar."

"Troch my wol. We sjogge nei ûnderen, net nei boppen."

"Ik ha net de yndruk dat de jonges net wolle hear. En ik hielendal net. Ik doch der alles oan. We stride. It moat even 'tot de laatste snik' tink ik."

"Nee, dat binne allegear praatsjes. Dat slacht nergens op."

"Dat moast de lieding mar freegje hè."

"Ja, mar dat sis ik hjir net foar de kamera. Mar do witst it wol, dus dan kinsto it wol sizze."

"Och no ja, se komme net mei konkrete foarbylden, dus it sil wol yn it midden lizze."

"No, ik fyn dat je dat sawiesa net publyklik sizze moatte. En as dat sa is, moat er by my wêze."

"Ik wit hoe't it wurket by it fuotbaljen. Ik krij al wiken dy fraach, hâldst op? Nee, fansels net. We moatte hiel hurd wurkje. Pas as we yn de lêste wedstriid fjouwer punten heljen moatte, is it klear."

Ferantwurdlik foar it net ferlingjen fan it kontrakt is ûnder oare foarsitter Sippe Heeringa.

"It is fuort gjin krisis, mar der wurdt wol oer praat. We wolle in oplossing sykje, want we wolle net noch in pear wedstriden ferlieze."

"Wy wiene fan miening dat we wat oars moasten. It is wat lestich om it oer details te hawwen, mar we wolle sjen oft we op taktysk gebiet wat dwaan kinne, dat we sjogge: wat gebeurt hjir op it fjild? Mei wat foar boadskip binne we oan it fuotbaljen? En dat wie wolris betiizjend."

"Ja, mar oft dat oan de trainer leit of oan de kombinaasje. Mar ik tink dat de klik tusken dizze trainer en de spilersgroep net goed genôch is om it maksimale út dizze groep te heljen. Mar it kin ek oan de spilers lizze."

"Dat is net wier. En ik fyn dat ek wol ferfelend. Ik fyn dat je soks binnenskeamers hâlde moatte. We ha it him wol útlein."

Henny Bouius is oanfierder fan dit team en ferlit nei acht seizoenen Harkemase Boys nei dit seizoen.

"Hy falt de lêste wiken net echt lekker. Ast dan hjoed ek wer sjochst dat we yn de lêste minuten de goal om de earen krije. Ik sei krekt ek: wat moat ik der foar de kamera no eins fan sizze?"

"Benammen fertrouwen. Ast winst, kinst de hiele wrâld oan. Ast ferliest, dan is it dochs oars. No ek. Komst foar, neat oan de hân en dan wurdt it gelyk en dan is it fuort panyk. Eangst om ien tsjin te krijen."

"Efterôf is dat altyd maklik. Ik tink net dat dat in relaasje hat. It is natuerlik tafal datst de wedstriid dêrnei fuort ferliest. Mar ja, ergens hat it der miskien ek wol mei te meitsjen."

"Ik tink dat we leverje moatte. We moatte herstelle. We ha no wike op wike ek troch de wike wedstriden en dat begjin ik ek wol te fielen. We moatte foaral de kop derfoar hâlde."