Neist oalje en gas wurdt ek weet djoerder: "Geen verklaring voor"
Net allinnich de prizen fan oalje en gas rinne op no't yn it Midden-Easten oarloch útbrutsen is tusken Amearika, Israel en Iran: ek weet wurdt djoerder.
Neffens Dirk Lodewijk, CEO fan Koopmans, is dat bêst nuver: oars as yn bygelyks Oekraïne is Iran hielendal gjin weet produsearjend lân.
"We hebben er geen directe verklaring voor", fertelt Lodewijk.
Commodity guod
Weet is in saneamd 'commodity guod'. Dat is guod dat yn bulk ferhannele wurdt op beurzen, lykas oalje, goud en oare grûnstoffen en dus ek weet.
Sentiment en beleggers bepalen steeds meer de markt
In soad fan dy produkten wurde no flink djoerder, om't de Strjitte fan Hormuz praktysk ôfsletten is. Dat is in wichtige trochfarrûte yn it Midden-Easten, dêr't benammen in soad yn 'e Golfsteaten produsearre oalje en gas troch ferfierd wurdt.
Lodewijk siket de ferklearring fan de priisstiging fan weet dan ek yn 'e opgeande prizen fan oare commodity produkten.
"Je ziet dat sentiment en beleggers steeds meer de prijs bepalen. Omdat bijvoorbeeld gas en elektriciteit sterk oplopen, kan het sentiment meelopen. Anders kunnen wij het niet verklaren", seit Lodewijk.
"Tijdens bijvoorbeeld de oorlog in Oekraïne werd het fysieke aanbod direct beïnvloed en dat had dus direct invloed op de prijs, maar Iran is zelf een graanimporterend land."
Nederlânske weet
Nettsjinsteande dat Koopmans foar it grutste part weet fan Nederlânske boaiem brûkt, komt ek it Ljouwerter moalfabryk net ûnder de priisstiging út.
"De graanprijs loopt gewoon mee met de internationale graanprijs. Dat is een transparante markt, dus die beweging zien we daar ook."
Dochs ferwachtet Lodewijk, mei fanwegen in goede risping ferline jier, gjin problemen.
"De oogst van vorig jaar was heel goed en de voorspellingen voor dit jaar zien er ook goed uit. Er is genoeg beschikbaar."
"Geen slecht nieuws"
Neffens Lodewijk falt de priisstiging ek noch wol wat ta.
"We zagen de afgelopen maanden een daling, nu krabbelt het wat op. Maar het is nog steeds onder het niveau van afgelopen zomer."
Mei it each op de tylder is in hegere weetpriis ek hielendal noch net sa'n minne saak, sa is Lodewijk fan betinken.
"Voor telers ziet het er niet heel florissant uit. De aardappelprijs is laag, de bietenprijs is laag en eigenlijk alle gewassen hebben een lage notering. Graan ook. Dus dan is deze beweging niet zo slecht."
