Earste ljipaai fan Fryslân fûn by Lúkswâld
Auke Tuinstra (28) út Drachten en Ewout Schröder (30) út Jirnsum ha it earste Fryske ljipaai fûn. Dat barde sneontemoarn yn in fjild fan boer Jan de Haan by Lúkswâld. De manlju fûnen it aai om 07.25 oere.
Tuinstra en Schröder seagen freedtemiddei al meardere ljippen yn it fjild, mar fûnen doe noch gjin aai. Dêrom giene se no betiid op 'en paad en troffen se wol in ljipaaike oan yn de moarnssinne.
BFVW-foarsitter Keimpe Strikwerda en meiwurker Inge van der Zee fan it fûgelwachtersbûn kamen nei it fjild ta om it aai te lotterjen.
De beide finers wurde om 17.00 oere huldige troch kommissaris fan de Kening Arno Brok. Se krije dan de Sulveren Ljip útrikt op it Provinsjehûs yn Ljouwert.
Foarige jierren
Ferline jier wie Anne Wind fan Penjum op 5 maart de gelokkige earste finer. Hy trof it aai oan yn it fjild fan Ychtenbrêge. It jier dêrfoar fûn hy ek al it earste aai.
De betiidste fynst waard yn 2019 dien, doe fûn Eduard van der Hoek it earste aai al op 28 febrewaris oan by Vegelinsoard. Nea earder waard in ljipaai sa betiid yn it jier fûn.
Eardere finers
| Jier | Finer | Plak |
| 2024 | Anne Wind | Ychtenbrêge |
| 2023 | Anne Wind | Skarsterbrêge |
| 2022 | Wietse Jan Dijkstra | Warkumerwaard |
| 2021 | Simon Spriensma | Raard |
| 2020 | Michel van der Goot | Aldegea (De Fryske Marren) |
