De Tocht-akteur Wolter Weulink rydt 'Alvestêdetocht' út yn Ljouwerter Alvestêdehal
Akteur Wolter Weulink hat yn de Alvestêdehal yn Ljouwert de folsleine Alvestêdetocht folbrocht. Alteast, hy hat 200 kilometer riden yn de iishal. Weulink ried de tocht yn tarieding op syn rol yn de musical De Tocht en om jild op te heljen foar Spieren voor Spieren.
Neist Weulink rieden ek Foeke van der Veen en Hendrik Bakker de folsleine 200 kilometer út. Neffens de organisaasje waard der nea earder in 'Alvestêdetocht' riden yn in iishal.
Weulink krige by syn tocht stipe fan oare bekende Nederlanners. Sa rieden ek syn kollega-akteurs Nandi van Beurden en Bertrie Wierenga, dy't yn De Tocht beiden de rol fan Annet spylje, mear as 50 kilometer mei. Bob de Jong, Syb van der Ploeg en Klasina Seinstra rieden ek in stik mei.
"Ik wil allereerst alle mensen die in de kopploeg hebben meegereden bedanken, het helpt enorm dat je in een zogenaamd treintje kunt rijden waardoor je in een tranche komt. Een Elfstedentocht schaats je alleen, maar alleen samen haal je de finish, dat bewijst dit ook maar weer. Ik heb er even geen woorden voor", sei Weulink nei de finish.
Yn totaal waard der 26.363 euro ophelle foar Spieren voor Spieren.
