Ferskate aksjes om minsken yn Oekraïne te helpen: "We wolle wat dwaan"

It is drok mei minsken dy't guod bringe nei in oprop op sosjale media. Soan Willem wennet yn Oekraïne. Sa is de famylje by de oarloch belutsen. Mem Karin regelet de ynsammeling. Se is ferrast troch de drokte.

"It is 'onvoorstelbaar'. Tweintich minuten nei de oprop stienen de earste auto's hjir al en ik ha eins net mear binnen west. Minsken wolle graach wat dwaan", seit Karin Nammensma. Soan Willem hie der spesjaal om frege. "Der is in list fan it ministearje fan Oekraïne mei wat se nedich ha."

It giet ûnder oare om iten yn blik en drûch, hâldber iten. "Ek klean en dekbêden is ferlet fan. Der is noch in aksje om kreampakketten yn te sammeljen. En we sykje ek om kleurboekjes en potleaden foar bern."

Oant woansdei kin guod ynlevere wurde. Dan wurdt it guod sortearre. Freed giet de earste frachtwein nei Poalen, dêr't it mei auto's nei Oekraïne brocht wurdt.

De eardere deputearre en melkfeehâlder Sjoerd Galema hat de melkfeehâlderij yn Ruslân dy't er mei oaren hie, ferkocht. Hy wie ferline wike yn Moskou om de lêste saken ôf te hanneljen.

Op it Poesjkin-plein seach Galema tongersdei tûzenen minsken. It wie net echt in protest, mar de pleatslike ME wie der wol by. De sfear wie yntimidearjend.

Galema: "Wy hiene it net sa yn de gaten, mar yn ien kear sjochst dat allinnich rinnende lytse minsken troch twa plysjeminsken by de earms oppakt en yn in plysjebuske set wurde. We wisten net hoegau oft we dêrwei komme moasten."

"Poetin is hielendal gek wurden." Dat sizze de Russen ek, seit Galema. It gefaar foar Poetin sil fan binnenút komme. Dat hearde Galema fan in advokaat út Moskou, mei famylje yn Nederlân, dy't mei him yn in buske ûnderweis nei it fleanfjild wie. "De ministers en de lju om Poetin hinne wolle dit net."

"Het is een hele bijzondere situatie van iemand die al heel lang in onzekerheid leeft", sei Gert-Jan Segers oer de sitewaasje fan Yaroslava Tymts. De learlinge fan it kristlik gymnasium Beyers Naudé yn Ljouwert is yn 2014 flechte út Oekraïne. Se wennet yn it asylsikerssintrum en wachtet noch op in ferbliuwsfergunning.

Hy hopet dat der gau dúdlikheid komt. "In de huidige omstandigheden hoop ik dat er nieuw perspectief is. Daar zullen we op aandringen." Troch de nije situaasje is Oekraïne gjin feilich lân mear. "We willen de staatssecretaris vragen om daar opnieuw naar te kijken."

Oan de iene kant wurde flechtlingen út Oekraïne opfongen yn Nederlân en dan wurde oan de oare kant minsken weromstjoerd. "Dat is een hele gekke situatie."

Yaroslava Tymts folget it nijs fansels op de foet "met tranen in mijn ogen. Het is te gek voor woorden wat er allemaal gebeurt. Ik vind het vreselijk voor die mensen en gelukkig zijn er organisaties als Unicef en het Rode Kruis die humanitaire hulp bieden."

"Ik ben ook blij dat er landen zijn die mensen willen opvangen. Ik weet zelf hoe het is om te vluchten. Dat is verschrikkelijk. Ik wens het niemand toe."

Se is wiis mei de ynset fan Segers foar har saak. Hy sil Keamerfragen stelle.

Yn stedstsjerke De Wijngaard yn Ljouwert wie sneintejûn in gebedsgearkomste foar Oekraïne. "Ik was zo geraakt bij het zien van de beelden", seit inisjatyfnimmer Carlijn Niesink. "Toen kreeg ik dit idee. Ik werd onrustig, ik moest iets doen."

Der wienen 60 minsken by. "Er was grote betrokkenheid. De mensen wilden ook praktisch iets doen, we hebben een collecte gehouden. Er is 650 euro opgehaald en dat gaat naar lokale organisaties, naar mensen die we kennen."