KAART: Sjoch hjir hoe't der op dyn stimburo stimd is foar de gemeenteried
20 maart, 18:12 • 2 minuten lêstiid
It algemiene byld is dúdlik: lokaal hat wûn by de gemeenteriedsferkiezingen ôfrûne wike. Dochs sitte tusken it stimgedrach yn ien doarp of sels ien wyk somtiden grutte ferskillen.
Sa wint op ien fan de stimburo's op De Lemmer GroenLinks-PvdA, wylst in oare nei Forum voor Democratie giet. Yn Burgum winne op it iene stimburo de FNP en VVD, twa strjitten fierderop CDA en op it gemeentehûs wint Better foar Tytsjerksteradiel.
Besjoch hjir hoe't op dyn stimburo stimd is: (klik hjir as de kaart net goed wurket)
Fierder falt op dat GroenLinks-PvdA op hast alle stimburo's yn de stêd Ljouwert de grutste wurden is, wylst it noarden fan dy gemeente folslein nei de FNP giet.
Lokale partijen falle ek op. Opsterlands Belang dominearret hast alle stimburo's yn Opsterlân, en SAM pronket boppe-oan yn 'e útslaggen fan de measte stimburo's yn Waadhoeke.
Op It Hearrenfean is it in striid tusken GroenLinks-PvdA en Heerenveen Lokaal, mar op it stimburo flak by Thialf wit de VVD de measte stimmen binnen te harkjen.
Yn De Fryske Marren giet de striid om de grutste partij tusken de FNP en it CDA. Oer de folsleine gemeente sjoen is it ferskil tusken beide partijen mar twa stimmen.
Op basis fan it oantal stimburo's is it ferskil grutter. It CDA krige yn 23 stimburo's yn de gemeente De Fryske Marren de measte stimmen, de FNP op 16 stimburo's.
