Harns hâldt op mei gearwurking Roompot foar Waddenresort: "Jaren van uitstel en onduidelijkheid"
6 oktober 2025, 13:20 • 2 minuten lêstiid
De gemeente Harns lûkt de stekker út de plannen foar in fakânsjepark fan Roompot. Jierrenlang waard wurke oan in fakânsjeresort by de Westerzeedijk, mar dat duorret neffens de gemeente te lang.
Al sûnt 2019 binne der plannen om in fakânsjepark by de stêd te realisearjen. It moast in lytsskalich park wurde, mei sa'n 50 lúkse fakânsjehuzen.
Earder giene projektûntwikkelders dermei oan 'e slach en begjin 2024 pakte Roompot de eksploitaasje op.
Ferline jier waard al dúdlik dat it langer duorje soe as hope. Doe hie de gemeente lykwols noch alle fertrouwen dat it Roompot Waddenresort by Harns der dochs komme soe.
Dat fertrouwen is no fuort. "Na jaren van uitstel en onduidelijkheid ziet de gemeente er op deze wijze geen toekomst meer in", skriuwt de gemeente.
Want hoewol't de plannen en fergunningen klearlizze, hat Roompoteigener Landal noch net in soad dien. Al in jier lang heart de gemeente itselde: "Landal gaf herhaaldelijk aan dat het plan financieel niet haalbaar is en dat ze misschien het ontwerp willen aanpassen."
"Daarvoor zou dan een heel nieuwe planprocedure nodig zijn. Voor de gemeente is dat geen goede oplossing. Het zorgt opnieuw voor vertraging en onzekerheid." Dêrom is no de keapoerienkomst ûntbûn.
Wol in fakânsjepark by de Westerzeedijk
In nije ronde mei Landal sjocht de gemeente net sitten. "Door het uitblijven van actie en duidelijke afspraken, heeft het college van burgemeester en wethouders het vertrouwen in deze samenwerking verloren."
It plan bliuwt yn prinsipe om dochs noch in fakânsjepark oan te lizzen by de Westerseedyk. Mar dan wol mei "een partij die voortvarend aan de slag gaat."
