In keatsmastodont hâldt nei 23 jier op as foarsitter: "Ik deed 't altyd in 't belang fan de kaatssport"

Leeuwen is in opmerklike ferskining yn de keatswrâld. Syn postuer lit net ta dat je samar om him hinne kinne; syn rjocht-foar-de-raap-mienings steane dat ek net ta.

Want Leeuwen is yn de keatswrâld bepaald gjin grize mûs. Hy lit him hearre as hy tinkt dat soks nedich is.

As Leeuwen (67) spreekt, dan is it dúdlik. Syn miening is syn miening en dat uteret hy op net mis te fersteane wize. Leeuwen is in Bilkert en dy binne no ienkear sa, neffens him.

"Ik kom út De Westhoek en der staan wij niet bekind as mînsen die't om de hite brij hine draaie. 'n Bitsy krom is niet recht."

Dy streekjrochte benadering komt by oare minsken wolris hurd oer, sa wit ek de skiedend foarsitter.

"Dat wort teugenworig niet meer op priis steld. Ik bin fan mening dat je gerust 'n keer op de kloaten krije mâge. Der worre je over 't algemeen niet minder fan."

Op de jierlikse algemiene ledegearkomste fan it keatsbûn liet Leeuwen him meastentiids ek wol hearre. Der binne guon minsken dy't fûnen dat hy him graach profilearje woe.

"At ânderen dat fine, dan is dat hur saak", seit Leeuwen. "Die intînsy hew ik nooit had. Meskien kwam 't wel soa over, maar dat waar nooit myn bedoeling."

"Ik deen 't altyd in 't belang fan de kaatssport. Maar op die Algemene Ledefergadering kist niet meer goed diskussere over 'n onderwerp. D'r wort nag al wat tiid inrúmd foor omballings. De AV is in myn ogen foor 't groatste part ferworren tot 'n applausmesine".

En der binne saken dêr't Leeuwen him noch altyd drok om meitsje kin. "Nim de ranking. Die is niet eerlik. D'r wort rekend met 'n feul te korte perioade. Nou kinne je met een sery kaatsen, as 't 'n bitsy met sit, de PC nag hale."

Ek it saneamde 'eenlingenbeleid', wêryn't jeugdkeatsers dy't yn eigen doarp gjin maten hawwe keatse meie foar in buerdoarp, kin gjin genede fine yn de eagen fan Leeuwen. "Ferenigings worre loi om de jeugd op te leiden."

Yn de bestjoersperioade fan Leeuwen hat de keatsferiening Boalsert in protte suksessen boekt: fjirtjin titels, wêrûnder de Jong Nederland Partij, famkes pupillebûnspartij, twa kear Freule Partij, jonges en famkesbûnspartij, Jong Fammepartij.

De moaiste? "Dat binne se allegaar, maar at ik dan dochs kieze mot, dan is dat de wînst op de Freule fan 2024. Silvan Elzinga en Tymen Bijlsma hew ik nag as klaine jonges 't feld op kommen sien. En ik hew de eer had om deuze jonges ses jaar te begelaiden. Bij deuze overwinning skiete mij nag altyd de tranen in de ogen. Deuze sil ik nooit fergete."

It lêste jier fan Leeuwen as foarsitter is Bolsward ekstra suksesfol. Winst wie der allinnich al dit jier op de skoalfamkesbûnspartij, de jongesbûnspartij, de pupillebûnspartij en op de Jong Famme Partij.

Leeuwen sjocht ek noch efkes werom op it grutste sukses yn syn tiid yn Sint Jabik. "De Freulewînst fan 1999, met Taeke Triemstra, Douwe Hogenhuis en Willem Veenstra. Wat 'n mînsen waren der doe op 'e dyk doe't wij werom kwammen út Wommels. Dat is in Bolsward wel âns. Maar 't is ok 'n ândere tiid fansels."

It geande hâlden fan de keatsferiening yn Boalsert liket op in famyljesaak. Lammert is de foarsitter; syn partner Clara ponghâlder. En beiden binne nochal sichtber op de fjilden.

Leeuwen draait der net omhinne. "Clara is al 13 jaar pinningmeester. Sij en ik binne, dink ik, wel 't gesicht fan de kaatsferening Bolsward. At 't even mooglik is, dan is in elk gefal een fan ôns anwezig wer't 'n partuur fan Bolsward kaatst. Wij noeme dat klupliefde."

"Maar 't betekent fansels niet dat wij de ferening met syn tweeën gaande houwe. Dat is onmooglik. D'r sit nag 'n hele batterij an frijwilligers achter. Sêg maar de stille krachten. En die mâge wij niet en nooit fergete."

Leeuwen sjocht mei in posityf gefoel werom op al dy jierren, mar hâldt op mei in reden. Mear as ien sels.

"As eerste: Ik bin nou 67 jaar. Fysyk wort 't niet beter en ik wil niet as 'n ouwe man over 't feld lope. As tweede: Wij binne de lêste jaren nooit in de seumerperioade op fekânsy weest. Wij wille nou in de seumerperioade nag mooie dingen doen. Wij binne nou nag gesond."

"En as darde: de 'individualisering' fan de maatskappij. Dat sien ik ok werom in de kaatssport. Ik bin groat worren in de tiid fan Den Uyl. Ik bin aigenlik 'n kynd fan Den Uyl. Met syn allen perbere wat te beraiken. Maar de mînsen binne hyltyd meer interesseerd in 't aigen."

De fraach is oft der al in opfolger is. "Niet een soa't ik 't doen. Dat likent mij frijwel onmooglik. 't Is in moeisem perses. Maar de boel mot al deurdraaie. 'n Oplossing sou weze kinne at d'r meer met kommissys werkt wort. Maar of dat werkt? Myn erfarings binne niet soa posityf."

Sjogge we Leeuwen nochris werom yn de keatswrâld? As lid fan 't haadbestjoer fan it keatsbûn miskien? "Ik dink al dat ik 't misse sil. Maar goed, dat is 'n perses en dat sil wel goedkomme. Hoofdbestuur is útsloaten. D'r is te feul gebeurd. Bovendien fyn ik dat 't hoofdbestuur niet opboud worre mot met bejaarden."