Nul punten foar Hearrenfean yn wedstriid foar Kika | LDODK mist finale

VV Buitenpost hat yn de útwedstriid tsjin MASV Arnhem mei 2-1 ferlern.

De ploech komt dermei op it tretjinde plak fan de ranglist. Oare wike stiet der in thúswedstriid op it programma tsjin VV Pelikaan S út Oostwold, de hekkenslúter fan dit stuit.

Reedrydster Reina Anema fan De Gordyk keart werom nei Team Frysk, dat traint wurdt troch Siep Hoekstra.

Anema ride de ôfrûne trije jier foar Jumbo-Visma. Yn maart waard bekend dat sy gjin kontraktferlinging krige.

"It fielt hiel fertroud om wer werom by Siep te wêzen. De gearstalling fan it team is wol hiel oars as doe't ik fuortgie, mar we ha no ek in moaie allround-trein."

"Ik ha protte nocht om wat oars te dwaan as de ôfrûne trije jier. Tagelyk fielt it ek goed om wer âlde fertroude trainingen ensa op te pakken."

De wedstriid tusken Harkemase Boys en Urk is einige yn in lykspul. Hoewol't de Friezen goed op dreef wiene en fjouwer kear skoarden, jilde dit foar de tsjinpartij ek.

Oare wike sneon reizgje de Harkieten ôf nei Veenendaal en spylje se tsjin DOVO.

It Nederlânske manljusteam - dat folslein út Friezen bestiet - hat him by it EK keatsen pleatst foar de heale finale fan it ûnderdiel 'Llargues'. Harren tsjinstanner is it Baskenlân.

De froulju, dy't ek allegear Frysk binne, wûnen by it 'Portugeesk spul' earder op 'e dei fan Portugal en Valencia. Yn de heale finale giene se lykwols ûnderút tsjin it Baskenlân. Moarn spylje se noch om it brûns.

Yn de finale fan it ûnderdiel 'Wallball' moasten se ek harren meardere erkenne yn de Basken.

Der is in ein kaam oan de winstrige fan SC Cambuur. De Ljouwerters ferlearen freed yn eigen hûs mei 0-2 fan ADO Den Haag.

By de wrâldbekerwedstriid Troféo Sofia binne de Fryske sylsters der net yn slagge de medalrace te heljen.

Yn de ILCA6-klasse einige Marit Bouwmeester teloarstellend as achttjinde, wylst allinnich de top-10 de medalrace sile mei.

Laila van der Meer en Bjarne Brouwer kamen by de mixed multihill net fierder as it santjinde plak.

By de ILCA7-klasse waard Willem Wiersema 48e.

It Nederlânsk frouljusalvetal is de EK-kwalifikaasje begûn mei in ferlies tsjin Italië. Troch doelpunten fan Valentina Giacinti en Agnese Bonfantini waard it 2-0.

By Nederlân stie Sherida Spitse yn de basis, sy spile de hiele wedstriid en gie net frijút by de 1-0. Kerstin Casparij foel nei 81 minuten yn.

Nina Nijstad siet de hiele wedstriid op de bank.

De Ljouwerter tennisser Sander Arends is mei syn maat Matwé Middelkoop útskeakele yn de kwartfinales fan it ATP-toernoai yn it Portugeeske Estoril.

Arends en Middelkoop ferlearen mei 1-6 6-3 11-9 fan de Belgen Sander Gille en Joran Vliegen.

Matthias Nartey is freed de ferfanger fan de skorste Remco Balk as SC Cambuur it opnimt tsjin ADO Den Haag. Foar de 19-jierrige Nartey betsjut it syn earste basisoptreden yn it giel-blau.

De manlju fan TeamNL, mei allinnich mar Friezen, binne twadde wurden op it EK keatsen by it ynternasjonale spul. Yn de finale ferlearen se fan Valencia.

Ek de froulju slaggen der net yn de finale te winnen. Sy giene ûnderút tsjin Baskelân.

Hearrenfean hat ien punt oerholden oan de wedstriid tsjin de nûmer trije fan de kompetysje. Yn it Abe Lenstra Stadion waard it 3-3 tsjin FC Twente.

Benammen de earste helte wie in doepuntefestijn. Nei 13 minuten stiene de Friezen al mei 2-0 achter. Nei 45 minuten stie it 3-2 yn it foardiel fan de Tukkers.

Hearrenfean nimt it yn eigen hûs op tsjin Twente. De wedstriid begjint 21:00 oere en is rjochtstreeks te folgjen by Omrop Fryslân op de radio.

Anneke Dijkstra hat krekt net de Scheldeprijs winne kind. De 26-jierrige hurdfytster bleau lang op ymposante wize it peloton foar, mar waard tegearre mei Wilma Aintila út Finlân op 2 kilometer foar de finish wer ynhelle.

Dijkstra gie al op 70 kilometer foar de streep solo op avontoer. Pas op dik 20 kilometer foar de mjit krige se selskip fan Aintila, mar dat mocht dus net bate.

De Scheldeprijs wurdt sûnt 2021 foar froulju organisearre. De earste trije edysjes eindigen allegear yn in massasprint en waarden wûn troch Lorena Wiebes. Ek no wûn se yn in massasprint.

De Scheldeprijs is ûnderdiel fan de UCI ProSeries. Dat is it twadde nivo, krekt ûnder de WorldTour.

Op de wrâldbekerwedstriid Troféo Princesa Sofia is Marit Bouwmeester opklommen nei it sânde plak yn de ILCA6-klasse. Bouwmeester einige in kear tsiende en in kear twadde op it wetter by Mallorca.

By de ILCA7 moat Willem Wiersema it foarearst dwaan mei in 29ste plak yn it klassemint. Hy waard hjoed 24ste en 15de.

Laila van der Meer prestearret oant no ta teloarstellend yn de NACRA17. Tegearre mei Bjarne Brouwer binne se de nûmer 18 fan de ranglist.

Hidde van der Meer is by de IQFoil op dit stuit de nûmer 34.

Fuotbalster Nina Nijstad út Ljouwert kin freed har debút meitsje foar it Nederlânsk alvetal yn de EK-kwalifikaasjewedstriid tsjin Italië.

Dat Nijstad selektearre waard, kaam foar har as in ferrassing, seit se tsjin de NOS. "Ik had het niet per se verwacht. Ik had wel gehoord dat er nieuwe namen bij zouden komen. Bij Jong Oranje zijn er ook goede middenvelders die door hadden kunnen schuiven. Dus ik ben blij dat ik het ben geworden."

Nijstad is geduldich, se hopet oer fiif jier in basisspylster te wêzen. En foar nei har karriêre hat se ek al plannen. "Ik wil graag vroedvrouw worden. Dat lijkt me heel leuk, ik vind het mooi en gewaardeerd werk."

Earder hjoed wûn Danny Noppert noch fan de wrâldkampioen fan 2018, mar de wrâldkampioen fan dit jier kin er net de baas. Luke Humphries is mei 6-2 te sterk yn de kwartfinale fan de German Darts Grand Prix yn München.

De Jouster ferlear fuortendalik syn eigen leg en dat koe er net mear goedmeitsje. Syn gemiddelde wie wol fier boppe de hûndert (106,44), mar Humphries (106,94) die dêr neat foar ûnder. De nûmer 1 fan de wrâld smiet boppedat 91 en 121 út.

Sylster Marit Bouwmeester hat in wikselfallende earste dei achter de rêch op de wrâldbekerwedstriid Troféo Princesa Sofia op it wetter by Mallorca. Har earste wedstriid sleat se ôf mei in prima tredde plak, mar dêrnei foel de Wartense út mei maleur oan it materiaal. Troch dy diskwalifikaasje stiet se no 61e yn de ILCA6-klasse.

Ek Willem Wiersema fan Eastermar kaam yn aksje op de earste dei. Hy is yn de ILCA7 nei ien dei de bêste Nederlanner op it tweintichste plak.

Hidde van der Meer (IQFoil) en Laila van der Meer (Nacra17), beiden fan Grou, kamen net yn aksje fanwegen de waarsomstannichheden.

De wrâldbekerwedstriid duorret noch oant en mei sneon. Op dy slotdei wurdt de winner bepaald fia in medal race, wêryn't de bêste tsien fan it klassemint meidogge.

Tennisser Sander Arends hat him mei syn nije dûbeldmaat Matwé Middelkoop pleatst foar de kwartfinale fan it ATP-toernoai yn Estoril, Portugal.

Op it gravel fan Estoril gong it as it slydjaget foar Arends en Middelkoop. Yn in healoere tiid wûnen se de earste set tsjin Diego Hidalgo (Ekwador) en Cristian Rodríguez (Kolombia) mei 6-3.

De twadde set gong noch rapper, oant it by in stân fan 5-1 begûn te reinen. De wedstriid lei in skoft stil, mar nei dy ûnderbrekking wienen Arends en Middelkoop net fan slach. Se makken it fuort ôf: 6-1.

Yn de kwartfinale spylje de Nederlanners tsjin de Belgen Sander Gille en Joran Vliegen. Dy binne as earste pleatst yn Estoril.

Hoefolle moat Cambuur oer ha foar in nije technysk manager? Ek as se dy hiel graach ha wolle? En der is opnij krityk op it wikselbelied fan Kees van Wonderen.

Dat kaam dizze wike oan de oarder yn de Sportcast.

Darter Danny Noppert is troch nei de kwartfinale fan de German Darts Grand Prix yn München. De Jouster wûn yn de achtste finale mei 6-2 fan Rob Cross, de wrâldkampioen fan 2018.

Jûn spilet Noppert foar in plak yn de heale finale tsjin Luke Humphries. Dat is de nûmer 1 fan de wrâld.

Wolkom yn it blog wêryn't we dy dizze wike op de hichte hâlde fan it Fryske sportnijs.

Lês hjir ús sportblog fan ferline wike werom.