Ofswaaiende Van Wonderen oer transfers Hearrenfean: "Lichten bij mij niet altijd op groen"
Kees van Wonderen hâldt nei dit jier op by sc Hearrenfean. De Sportcast sjocht mei de trainer nei syn tiid yn Fryslân. En hoe is syn gearwurking mei it bestjoer? Ek rjochtsje se de blik op de takomst. Wat sil er nei de simmer dwaan?
Hearrenfean makke moandei bekend dat trainer Kees van Wonderen de klup ferlit oan de ein fan it seizoen. Yn de Sportcast wurdt Van Wonderen frege nei de gearwurking mei de kluplieding. Bygelyks oer it transferbelied.
Presintator Arjen de Boer: "Yn de tiid fan Riemer moasten by in transfer de ljochten op grien stean by de foarsitter, it scoutingsapparaat en de trainer. Hoe giet dat no by Hearrenfean?"
Net alle ljochten op grien
It wurket tsjintwurdich oars, fertelt Van Wonderen. "De scouting brengt spelers in en de technisch- en algemeen directeur geven er een klap op. Dat ligt dus niet bij de trainer", seit er. "En nee, bij mij zouden de lichten bij de transfers niet altijd op groen zijn gegaan."
Dat betsjut neffens him hielendal net dat er him frijpleitsje wol foar de mindere wedstriden fan de klup.
"Het is de verantwoordelijkheid van ons allemaal. Overigens is het bekend dat de financiële middelen hier momenteel niet optimaal zijn. Je moet dan dus kijken hoe je het elftal creatief kan samenstellen."
Ik vond dat we rotzakken misten in ons elftal.
Hy erkent dat der inkelde 'heikele punten' wiene om it gearstallen fan de seleksje hinne.
"Een daarvan was dat ik vond dat we rotzakken misten in het elftal. Die vormen een essentieel onderdeel van een team. Luuk Brouwers is daar een goed voorbeeld van. Daar was iedereen het trouwens ook over eens", fertelt er.
"Je hebt onder meer scorend vermogen nodig, intensiteit en teamspelers. En de een heeft meer met een bepaald type dan de ander."
Maurice Steijn yn Wolvegea
Koartlyn wie de kluplieding fan Hearrenfean yn in hotel yn Wolvegea yn petear mei trainer Maurice Steijn. Dy moeting lekte út. Sa is der in foto te sjen fan de moeting. Op in skerm yn it hotel falt te lêzen dat Hearrenfean nei Europeesk fuotbal koerse wol.
Ald-fuotballer Geert Jelle de Vries steurt him oan dat stribjen. "Op basis wêrfan? Net op basis fan de scouting of de finansjele middels liket my. Hearrenfean docht it mei plak njoggen prima, ast sjochst nei de mooglikheden", seit er. "En dochs is it sentimint rûn Kees dat er it net hiel goed. Unterjochte, nei myn miening."
Mijn doel is het publiek amuseren. Dat hoeft niet met trucjes, maar kan ook met de mouwen opstropen.
Van Wonderen jout ta dat de ferwachtingen by de klup de realiteit somtiden oerstige. Hy besiket de ploech spylje te litten nei de mooglikheden.
"Ik ben begonnen met vijf verdedigers, en ben later overgeschakeld naar 4-3-3. Dat is toch het DNA van de club. Je zoekt naar de balans. Maar het doel is altijd om het publiek te amuseren. Dat hoeft niet altijd met trucjes, maar kan ook met mouwen opstropen."
Nei de simmer sil Van Wonderen it efkes rêstich oan dwaan. In sabbatical leit yn it foarútsjoch. Arjen de Boer fettet it dêrom foarearst nachts gear: "Klear is Kees."
