Nije Cambuurspiler Fedde de Jong: "Ik ben een moderne nummer tien"
Fedde de Jong hat syn debút makke foar SC Cambuur. De oanfallende middenfjilder is oerkaam fan Jong AZ en omskriuwt himsels as in moderne nûmer tsien. Hy is nei Cambuur kaam om wedstriden te spyljen: "Ik wil op deze leeftijd gewoon elke week spelen."
Om te begjinnen efkes oer de foarnamme fan De Jong: Fedde. Dat klinkt nochal Frysk. "Dat hoor ik vaker, ja." Mar mei Fryslân ha hy en syn âlders fierder neat. "Helaas kom ik niet uit Fryslân. En ik heb geen Friese familie of zo. Mijn ouders vonden het gewoon een mooie naam. Ik ben een geboren en getogen Noord-Hollander."
Type fuotballer
De Jong is tweintich jier en spile oant no ta 78 wedstriden foar Jong AZ yn de earste divyzje. Dêryn skoarde hy acht kear en joech hy acht assists. Boppedat spile hy ien kear mei yn de Conference League. Yn dy wedstriid skoarde hy de 0-4 tsjin Tuzla City yn Bosnië-Herzegovina.
Hy die ek twa kear mei yn de earedivyzje, twa kear as rjochtsback. Mar in ferdigener? Nee, dat is er net. "Aanvallende middenvelder, dat is mijn positie. Ik heb veel loopvermogen. Ik kan veel diepgaan, maar tussen de linies heb ik veel techniek. En vanaf daar kan ik de aanvallers wegsturen. Ik hoop dit seizoen veel goals en assists te maken."
Cambuurtrainer Sjors Ultee kin wol meigean yn dy omskriuwing: "Hij heeft heel veel loopvermogen en heel veel techniek. Dat is wel een hele fijne combinatie. Meestal zijn technische spelers wat lui en zijn lopers vaak wat lomp. Maar hij heeft beide."
Fedde de Jong oer wêrom't hy foar Cambuur keazen hat en wat foar spiler hy is
Cambuur spilet ûnder Ultee net echt mei ien nûmer tsien efter de spits, mar mear mei twa oanfallende middenfjilders. Dat komt goed út, want De Jong omskriuwt himsels ek net echt as in standert nûmer tsien. "Als je de traditionele nummer tien hebt, zoals vroeger, dan ben ik dat niet. Maar als je kijkt naar de moderne nummer tien, met veel loopvermogen, wel. Maar ik ben wat minder een technische speler."
Wêrom nei Cambuur?
Ultee is bliid mei de komst fan De Jong nei Ljouwert. "Er waren veel kapers op de kust. Het is een interessante speler. Hij heeft een goede opleiding gehad. En al prijzen gepakt bij AZ."
De Jong hie fuort in goed gefoel by Cambuur. "Cambuur was er heel snel bij. Ze waren overtuigend. Ze wilden me echt hebben." Mar dat net allinnich: De Jong tinkt ek dat hy Cambuur better meitsje kin. "Ik wilde naar een ploeg die ik kan versterken."
Dochs spile hy dus trije kear yn it earste alvetal fan AZ. En mei syn tweintich jier is hy noch altyd in talint. Wêrom woe of koe hy net by AZ bliuwe? "Dat heeft vooral met de plannen van AZ te maken. Er zijn veel jongens bijgekomen en teruggekomen. Ik wil op deze leeftijd gewoon elke week spelen."
Ultee oer Fedde de Jong: "Ik denk dat het rugnummer dat we hem hebben gegeven genoeg zegt"
Ultee hat De Jong ek keazen, omdat hy goed past yn de wize wêrop't de trainer fuotbalje wol. "Hij is een teamspeler en dat hebben we echt nodig bij Cambuur. We willen afjagen en drukzetten. Daar past hij goed bij."
En dat de kâns op in basisplak grut is, docht wol bliken út it rêchnûmer fan De Jong, nûmer 10. "Ik denk dat dat wel genoeg zegt over hoe we hem waarderen. Zonder daar te veel druk op te leggen."
De Jong is yntusken ferhuze nei Ljouwert en hat it no al nei syn sin: "Ik ben goed ontvangen en ik heb een heel warm welkom gekregen. Met de supporters is het ook heel anders dan bij Jong AZ. Daar ben ik wel wat anders gewend. Hier leeft het veel meer. Dat vind ik alleen maar mooi."
