Kening Willem-Alexander: Waadeilannen kroan boppe Nederlân
Kening Willem-Alexander fynt de Waadeilannen de kroan boppe Nederlân. Dat sei er woansdei oan de ein fan de twa-daachske besite. Oan de ein fan de middei sette it keninklik pear wer ôf fan Skiermûntseach.
Yn twa dagen tiid besochten kening Willem-Alexander en keninginne Máxima de fiif Waadeilannen. Se begûnen tiisdei op Teksel en reizgen dêrnei nei Flylân en Skylge. Se ferpleatsten harren mei in helikopter en sliepten op Skylge op De Groene Draeck, it priveejacht fan prinses Beatrix,
Nei in besite oan it maritym ynstitút Willem Barentsz op Skylge, setten se woansdei koers nei It Amelân en nei de middeisoere nei Skiermûntseach.
Kening Willem-Alexander fertelt wat er fan de besite oan de Waadeilannen fûn
De besite wie bedoeld om te witten te kommen hoe't de minsken op de eilannen libje, wat harren dwaande hâldt oan problemen en ûntjouwings.
De kening sjocht oan de ein fan de dei werom op "een prachtig bezoek. Met name om te zien hoe de leefbaarheid in stand gehouden wordt op de verschillende Waddeneilanden - zowel in Noord-Holland als de Friese eilanden. Hoe ze samenwerken aan de leefbaarheid en de problemen die op alle eilanden spelen. Dat hebben we goed gezien en er is goed over gesproken."
"Het geeft ons een goed beeld van de trots van de mensen op deze eilanden en de uitdagingen voor deze eilanden. Ieder eiland heeft zijn eigen identiteit. Daar staan ze ook heel sterk voor. Samen zijn ze voor mij een kroon boven Nederland. De samenhang van die kroon hebben we heel mooi kunnen zien in deze twee dagen."
