sc Hearrenfean giet los mei akademy foar famkes: "We worden Europees ingehaald"
De frouljusôfdieling fan sc Hearrenfean giet los mei syn eigen jeugdakademy. Se hoopje op 125 dielnimmers tusken de 11 en 16 jier. "Daar zijn we al bijna", seit foarsitter Jessica Roosenburg.
Foar de akademy wurket sc Hearrenfean gear mei fjouwer amateurklups: Hurdegaryp, Nijeskoat, ONT en Marknesse. Dêr binne ek de trainingen fan de jeugdakademy. De famkes bliuwe earst wol spyljen by har eigen klups.
Hearrenfean wol al langer in eigen jeugdakademy foar famkes. "We willen dé opleidingsclub van Nederland zijn", seit Roosenburg. "Als je bij ons komt voetballen, dan word je beter."
Omdat it hieltyd dreger is om in goede kompetysje op tou te setten foar famkes ûnder de 16, is Hearrenfean dêrmei opholden.
In soad talint
Yn plak dêrfan set de klup dus yn op dizze akademy, mei Jos Miedema as haad. "Er loopt zoveel talent rond in onze provincie", seit er. "Wij gaan ons dan ook volledig richten op meiden uit Friesland en de Noordoostpolder. Wij gaan zelf ook de provincie in en doen het samen met de clubs."
Roosenburg hopet dat Hearrenfean troch dy gearwurking ek sichtberder wurdt. "Om zo samen met de amateurclubs het vrouwenvoetbal in Fryslân een stap verder te brengen en ieder talentvol meisje de kans te geven om zich te ontwikkelen in en met voetbal."
Net allinnich Hearrenfean moat úteinlik profitearje fan de nije talinten. "We zagen op het Europees kampioenschap dat we Europees worden ingehaald. De toelevering moet toch komen van de elf clubs in de Eredivisie", seit Roosenburg.
