sc Hearrenfean hellet Anas Tahiri as opfolger fan Joey Veerman
Sportklup Hearrenfean hellet Anas Tahiri nei Fryslân as opfolger foar Joey Veerman. Tahiri makket de oerstap fan it Roemeenske CFR Cluj.
De 26-jierrige Belch tekenet in kontrakt foar 2,5 jier. Tahiri spile fan 2018 oant en mei de simmer fan 2021 foar RKC Waalwijk. Mei RKC promovearre de middenfjilder nei de earedivyzje. Ferline jier woe Tahiri syn kontrakt net ferlingje en makke hy de oerstap nei Roemenië.
Tahiri hat syn kontrakt by Cluj ûntbine litten, wêrtroch't er transferfrij fuort mocht. Nei it ûntslach fan trainer Cristian Panin kaam Tahiri net mear oan spyljen ta.
Papierwurk noch net yn oarder
Technysk manager Ferry de Haan kin noch gjin grien ljocht jaan. It papierwurk is noch net hielendal rûn.
