Sportcast
Yn de Sportcast prate de sportferslachjouwers fan Omrop Fryslân dy by oer it betelle fuotbal yn Fryslân. Alles oer sc Hearrenfean en SC Cambuur wurdt troch ús fêste sportploech behannele.
Podcasts
Nijsmakkers
Presintator Roelof de Vries besprekt op in tagonklike en ferassende wize mei trije kollega-freonen, Arjen Bosselaar, Janko Krist en Sybrand Grasdijk, it nijs fan de wike. Foar wa’t graach op ’e hichte bliuwe wol fan it Fryske nijs, mar net sit te wachtsjen op swiere analyses of lange diskusjes.
It Knottekistje
It Knottekistje is in seisdielige rige wêryn’t Friezen iepenhertich fertelle oer de leafde fan harren libben. Alle wiken stiet ien persoanlik ferhaal sintraal: fan oandwaanlike moetingen oant ûnferwachte draaien. It Knottekistje is in gearwurkingsprojekt fan Omrop Fryslân, Leen een Fries en Fries Museum op Paad.
De Heks van Anjum
De podcast is in ferfolch op it boek 'De Heks van Anjum' dy't Margriet Brandsma skreaun hat oer de pensjonmoarden yn Eanjum. Yn dizze true crime-podcast praat Margriet mei minksen dy't reagearje op har boek. Dat liedt wer ta nije befiningen oer de moardsaak en ta fernuvering oer de wize wêrop’t plysje en justysje te wurk gien binne.
It Sulv'ren Wetter
Muzykekspert Beart Oosterhaven en programmamakker Willem de Vries meitsje in muzikale reis troch 450 jier klassike muzyk út Fryslân. Yn de podcast It Sulv'ren Wetter fertelt Oosterhaven, in rinnende ensyklopedy op it mêd fan Fryske muzyk, oer de skiednis, komponisten en de ferhalen achter de muzyk.
Buro de Vries - Nijsfoarum
Yn it nijsfoarum fan Buro de Vries sitte trije opinymakkers oan tafel om oer aktuele saken te praten. Faak binne dat gasten dy't wurksum binne yn de polityk of yn in belangeorganisaaasje. De ûnderwerpen dêr't oer praten wurdt kinne ynternasjonaal, landelik of provinsjaal spylje.
Boekekast
Boekekast fan 2022 slút oan by it projekt Útsteld Gelok/Uitgesteld Geluk fan Ljouwert UNESCO City of Literature. Dat binne 100 ferhalen, foarlêzen yn 100 paradyslike tunen yn Fryslân. Boekekast bringt acht ferhalen as podcast, mei dêrby in ynterview fan Karen Bies mei de skriuwer.
