Brânwacht rydt twa kear út foar brânend hea | Fytser swierferwûne nei oanriding yn Ljouwert

In fytser is swierferwûne rekke nei in oanriding mei in auto oan de Lijsterbesstraat yn Ljouwert.

De persoan is mei de ambulânse nei it sikehûs brocht. De plysje docht ûndersyk nei hoe't it ûngelok barre koe.

Yn in bedriuwsgebou oan Het Helmhout yn Drachten is oan de ein fan de middei brân útbrutsen. De brânwacht fan Drachten en Beetstersweach binne te plak kaam.

It is op dit stuit noch net dúdlik wat der krekt yn de brân stiet.

By in oanriding op de Noorderdwarsvaart yn Drachten is in fytster ferwûne rekke. Sy kaam yn botsing mei in auto.

It slachtoffer is mei de ambulânse nei it sikehûs brocht. It is net dúdlik hoe't it ûngelok barre koe.

In man is sneintejûn mei in mes bedrige op parkearterrein De Hooidollen in Ljouwert.

In famke frege it slachtoffer oft hy even mei har meirinne woe nei de Ljouwerter bosk omdat har fyts dêr stie. De man fûn it in nuvere fraach, mar gie dochs mei.

Doe't de man weromrinne woe, stienen der twa persoanen mei gesichtsbedekking foar him oer. Ien fan harren luts in grut mes.

It slachtoffer draafde gau fuort. Doe't hy even letter foel en omseach, wienen de bedrigers en it famke net mear te sjen.

De plysje siket tsjûgen fan it ynsidint.

Seis minsken binne justerjûn oerbrocht nei it sikehûs nei it ûngelok op de A7 tusken Boalsert en Snits, dat meldt de plysje.

Neffens in wurdfierder giet it om alle ynsitters fan de persoane-auto dy't yn botsing kaam mei in frachtwein. Dêr sieten fjouwer minderjierrigen by. "Ze zijn allemaal meegenomen omdat het letsel niet direct duidelijk was."

It ûngelok wie op de hichte fan Tsjalhuzum. De bestjoerder fan de frachtwein is net ferwûne rekke. Der is mei him praat op it plysjeburo.

Wolkom yn it 112-livebloch fan hjoed. Hjir fynst in oersjoch fan ûnder oare ûngelokken, brannen en ferkearsynformaasje yn ús provinsje.

It 112-nijs fan juster kinst hjirûnder weromlêze.