Dit wie de smoardrokke tredde dei fan de Tall Ships Races yn Harns

Ien fan de 'boaten' dy't dizze dagen omfart yn de haven fan Harns, is it flot Sterke Yerke IV. Der stiet in behoarlike wyn, mar dêr makket kapitein Frank Vergnes him gjin soargen oer. "Daar hebben we bemanning voor. Dat moet ook wel, want er komt een hoop bij kijken."

It flot fart alle twa oeren út. "Dan vertrekken we met een groep mensen, die dan anderhalf uur langs de schepen varen. We gaan ook een stukje naar buiten, om het echte Waddengevoel te krijgen."

Wilfred de Jong wie ien fan de inisjatyfnimmers fan de Sterke Yerke. Al sûnt it earste flot, yn 1974, is er derby belutsen. "De eerste keer mislukte, de tweede keer hebben we Engeland gehaald. En met de Sterke Yerke III besloten we om de Atlantische Oceaan over te steken. Toen zijn we bij Bonaire op de klippen gelopen."

It flot is der ek om omtinken foar it miljeu te krijen. By eardere Sterke Yerkes gong it om de oaljefersmoarging, no om de plestiksop. "Dat willen we onder de aandacht brengen. We hopen jongeren enthousiast te maken om beter aan het milieu te denken."

Foarsitter Jan Reier Arends giet it reuzerêd yn. Dat reuzerêd stie in wike lyn noch yn it Deenske Esbjerg, mar is dêr ôfbrutsen doe't de skippen de haven ferlieten.

Arends, dy't der yn 2014 foar soarge dat de Tall Ships Races nei Harns kamen, is wiis mei hoe't it no giet. "Het gaat heel goed. Met name vandaag verwachten we grote groepen, maar morgen ook, tijdens de Sail Out. Dit worden de topdagen."

Hy hat al ferskate hichtepunten meimakke. "Het captain's dinner bijvoorbeeld. Dan hoor je dat ze een mooie tocht naar Harlingen gehad hebben, en dat trainees een mooie ervaring hebben opgedaan. En ook de crew parade van gistermiddag was een van de hoogtepunten."

Arends sjocht ek út nei de Sail Out fan moarn. "Dan vaart alles weg en krijg je een brok in je keel. Hier hebben we drie jaar lang heel veel werk voor verzet. Dan neem ik even een momentje voor mezelf, de rest van de dag is het rennen en vliegen."

De drokte yn Harns nimt ta, der binne al in soad minsken op de bûnte merk op de Suderhaven.

De echte drokte begjint hjoed fan 11.00 oere ôf, mar de earste minsken binne al yn de haven. Foar in tocht op de elektryske fearpont Jonge Seun bygelyks.

Jouke Frieswijk is frijwilliger op de fearpont. "Er zijn ongeveer zestig vrijwilligers, maar we kunnen nog meer mensen gebruiken. Het is prachtig werk. En het mooie is dat je mensen blij maakt!"

It is net bekend hoefolle minsken oft der justerjûn krekt wienen by optredens fan in ABBA-coverband yn Harns, mar in soad Harnzers sprekke fan de 'drokste jûn op de haven oait'.

De tredde dei fan it Tall Ships-evenemint yn Harns is los. Hjoed binne der alderhande aktiviteiten yn de binnenstêd, mei in soad muzyk en oare ferdivedaasje.

Der wurde in hiel soad minsken ferwachte, seit ferslachjouwer Willem Vermeltfoort. "Fjouwer jier lyn kamen der, ferdield oer fjouwer dagen, sa'n 335.000 minsken nei Harns ta. En tongersdei en freed wienen der al in protte leafhawwers fan dy machtige skippen, mar de foarige kear wie de sneon de drokste dei. Doe wienen der sa'n 100.000 minsken. Dat is hjoed ek de ferwachting."

Juster wie it de dei fan ûnder oare de crew parade, mei in soad bûnte tafrielen. Hjir kinst dat nochris weromsjen.

Goeiemoarn! Yn dit liveblog bliuwst op de hichte fan de lêste ûntwikkelingen by de Tall Ships Races yn Harns. En hjir fynst al it nijs oer de Tall Ships Races op ien plak.