Lês werom: sc Hearrenfean beëiniget seizoen yn heale finale play-offs nei ferlies tsjin FC Utrecht (3-2)

Jacob Trenskow sjit út in frije traap wei en dan rôlet de bal it doel binnen!

It stiet 3-2.

Dylan Vente jout in foarset rjochting Lasse Nordås, dy't krekt op itselde momint as de ferdigening by de bal komt. Uteinlik skoot er sels it doel yn.

Lasse Nordås besiket fuortendaliks te skoaren, mar sjit de bal heech oer it doel hinne.

Djivai Zechiël hellet wer flink út, mar de bal giet heech oer it doel hinne.

Je lêze it goed: dêr is de tredde treffer foar Utrecht! Souffian El Karouani hellet út en sjit de bal achter Bernt Klaverboer binnen.

It stiet 3-1.

Ynienen reint it doelpunten! Ut in corner wei kopt Mike van der Hoorn de bal hurd binnen by Bernt Klaverboer.

It stiet 2-1.

We ha Dylan Vente noch! De spits leppelt de bal oer de ferdigener en keeper hinne en makket de lykmakker.

It stiet 1-1.

Ringo Meerveld hellet út rjochting it doel, mar de bal giet krekt njonken de rjochterpeal.

Fuortendaliks is Utert trefseker troch in flaterke fan Bernt Klaverboer! Hy wol de bal fange, mar grypt mis en falt tsjin Sam Kersten oan. Dan is it Artem Stepanov dy't de bal binnen sjit.

It stiet 1-0.

Der binne gjin wiksels oan beide kanten.

Nei trettjin jier as materiaalman nimt Catrinus Stoker ôfskied fan de Fryske klup. Mei Omrop Fryslân sjocht er werom op syn jierren by Hearrenfean.

De skiedsrjochter fluitet nei trije minuten blessueretiid foar de ein fan de earste helte.

It skoareboerd stiet noch hieltyd op 0-0.

Der komme trije minuten ekstra by de earste helte.

Alonzo Engwanda wurdt op in brankaar it fjild ôf droegen mei in hamstringblessuere. Dat bart ûnder lûd applaus.

Alonzo Engwanda leit blessearre op de grûn en wurdt op it fjild behannele. Hy kin net fierder spylje, want der komt in brankaar it fjild op.

Ut in corner wei wol Mike van der Hoorn skoare mei in kopbal, mar Maas Willemsen ferdigenet, ek mei in kopbal.

Jesper Karlsson sjit hurd rjochting de krusing, mar de bal giet krekt fia Sam Kersten it fjild út.

In foarset fan Jesper Karlsson komt by Artem Stepanov, mar syn skot mist krêft en stuite by it doel del.

Gjivai Zechiël hellet út rjochting it doel, mar de bal giet krekt by de linkerpeal del.

Oan de oare kant besiket Dani de Wit de bal binnen te koppen, mar dizze giet heech oer.

In foarset fan Oliver Braude lânet op 'e holle fan Jacob Trenskow, mar de keeper kin noch krekt by de bal.

Fuortendaliks oan de oare kant wol Jesper Karlsson skoare, mar Bernt Klaverboer fljocht nei de bal.

In serieuze kâns foar Jacob Trenskow, hy hat mar twa ferdigeners by him foar it doel en hy besiket te skoaren. Mar de keeper rêdt de bal.

Luca Oyen hellet út, mar de bal fljocht fier foar it doel del rjochting de cornerflagge.

Yoann Cathline besiket te skoaren, mar de bal fljocht fia de holle fan Maas Willemsen it fjild út.

De wedstriid is begûn yn de Galgenwaard.

De skiedsrjochter fan jûn is Jannick van der Laan.

Beide kearen dat sc Hearrenfean en FC Utrecht inoar troffen yn de earedivyzje, einige dat yn in lykspul. Yn de Galgenwaard waard it 2-2, letter waard it yn it Abe Lenstra Stadion 1-1.

"Het worden lastige wedstrijden in de play-offs", seit Joris van Overeem op de klupwebside. "We hebben van geen enkel team gewonnen dat nu in de play-offs staat. Dat moet in de aankomende twee wedstrijden gebeuren."

It is dien yn it Kras Stadion yn Volendam: dêr wint Ajax mei 2-0 fan FC Grins. Dat betsjut dat Ajax de tsjinstanner wurdt snein yn de finale tsjin FC Utrecht óf sc Hearrenfean.

sc Hearrenfean hat dit seizoen sjen litten prima meidwaan te kinnen mei ploegen heger op de ranglist, dochs is FC Utrecht op papier de favoryt foar de winst.

"Het kapitaal van Utrecht is groter en als je kijkt naar de recente geschiedenis met Europees voetbal, dan moeten zij misschien wel winnen", seit Veldman tsjin Omrop Fryslân. "Maar wij zijn niet de underdog, wij zijn de uitdagers."

Op dit stuit is de slotfaze dwaande yn de oare heale finale tusken Ajax en FC Grins. Dêr stean de Amsterdammers mei noch tsien minuten op de klok op in 2-0 foarsprong.

Ángel Alarcón is wer opnaam yn de seleksje fan FC Utrecht nei in blessuere. De Spaanske oanfaller waard dizze wike definityf oernaam fan FC Porto.

David Min is der net by fanwege liesklachten.

Maxence Rivera is al in pear wiken herstellende fan in hamstringblessuere. Neffens trainer Robin Veldman wie de kâns 70% dat hy opnaam wurde soe yn de wedstriidseleksje. No begjint er net yn 'e basis, mar der is noch in kâns dat er ynfalle kin want hy sit op 'e bank.

De earedivyzje is klear, mar dat jildt net foar sc Hearrenfean. It is tiid foar de play-offs, wêryn't Hearrenfean it jûn opnimt tsjin FC Utrecht yn stadion Galgenwaard.

Wy folgje de wedstriid streekrjocht yn dit blog en hâlde dy op 'e hichte fan alle belangrike mominten. Fia de radio fan Omrop Fryslân kinst ek harkje nei in ferslach fan de wedstriid FC Utrecht sc Hearrenfean op 92.2 FM of online. Sportferslachjouwers Arjen de Boer en Roelof de Vries binne oanwêzich yn it stadion.

De wedstriid begjint om 21.00 oere.