112-nijs 28 july: Noch in boatsje útbrând yn Ljouwert | Sykaksje nei wapen Fryske Peallen

Der is fan 'e middei yn Ljouwert noch in boatsje útbrând. Diskear wie der brân op in boat op 'e Dokkumer Ie. Neffens omstanners wie der earst in eksploazje te hearren.

Fan it boatsje is net folle mear oer. De brânwacht kaam teplak en hat it fjoer útmakkke.

Yn it sintrum fan Nes op It Amelân hat fan 'e middei koart brân west yn in hoarekagelegenheid. Yntusken hat de brânwacht it fjoer ûnder kontrôle. De flammen soene yn it plafond fan it gebou sitten ha.

De brânwacht is op dit stuit dwaande mei in neikontrôle.

De brânwacht koe it boatsje net mear rêde. De boat is folslein ferwoeste troch de brân.

De eigeners koene krekt op 'e tiid it boatsje oan de kant sette om oan de brân te ûntsnappen.

Hoe't de brân ûntstean koe is net dúdlik, troch de reek hat it fytspaad koarte tiid ôfsletten west.

By de Holstmeerweg yn Ljouwert stiet in boat yn de brân. It giet om in kajútboatsje dy't flakby de brêge fan de Planetenlaan oer it Wilde Greons leit.

De flammen slagge út de boat en de reek is goed te sjen. De dyk is wol noch iepen foar ferkear.

By de A7, op de grins fan Grinslân en Fryslân, hat de plysje yn de nacht fan sneon op snein in skoft dwaande west mei in sykaksje.

Dêrby waard ûnder oare gebrûk makke fan hûnen.

De plysje begûn de aksje nei de melding fan in mooglike bedriging. "We hebben uitgekeken naar een voertuig, het voertuig richting een benzinestation geleid en de inzittenden meegenomen naar het bureau", sa seit in plysjewurdfierder.

Der is ien persoan oanhâlden, mar dy waard yntusken wer frijlitten. In wapen waard net fûn. De ôfslach Fryske Peallen wie fanwege de sykaksje in skoft ôfsletten.