Sjoch hjir werom op de bûnte tafrielen by de crew parade fan de Tall Ships Races yn Harns

Omrop Fryslân hat twa plakken fuortjûn op it skip dat de dielnimmers oan de Sail in binnenhellet by de Tall Ships Races. Monica de Graaf en har man Sybe wienen de lokkigen. Sy wienen in skoftsje lyn troud en dus beskôgen se it aventoer in bytsje as harren houliksreis.

"It wie fantastysk, it wie prachtich moai waar", fertelt Sybe. "It wie in feest op it wetter." Hy hat de mouwen ek efkes út de mouwen stutsen. Se binne nammentlik boer en boeren kinne net sa goed stilsitte en sjen hoe't oaren it wurk dogge, stelt hy.

Dat gie lykwols net hielendal goed. "Ik wie oan it helpen mei it opromjen fan de silen en doe skuorde ik myn hân dêr sa, dus it melken gie justerjûn wat dreech", laket hy. It pear hat nettsjinsteande dit ûngemak

In bysûnder ûnderdiel fan de Tall Ships Races is niiskrekt úteinset. It giet om de crew parade. Hjirby lûke alle bemanningen yn in bûnte optocht troch Harns.

Op de rûnfeartboat Regina Andrea krije âlderen en minsken mei in beheining de kâns om de tallships fan tichteby te besjen. De aksje wurdt organisearre troch Lions Frjentsjer.

Neffens Anne Bergsma fan de organisaasje farre der dizze dagen 800 passazjiers út de hiele provinsje mei. De senioaren reagearje entûsjast:

Njonken in wedstriid binne de Tall Ships Races ek in evenemint mei in misje. It draait om de persoanlike ûntwikkeling en oplieding fan jongeren. En om it opbouwen fan freonskippen. Dat lêste hat hjoed in spesjaal rantsje: fjouwer jier lyn wie Peter R. de Vries nammentlik te gast yn de 'karavaan van de vriendschap' fan Simon Vuyk.

Dy karavaan is der no wer, mar De Vries is der net mear. Eksakt in jier lyn ferlear hy it libben. Hy ferstoar oan syn ferwûnings nei't de misdiedferslachjouwer yn Amsterdam delsketten waard nei in útstjoering fan RTL Boulevard.

"Het is vooral een hele nare dag", fertelt Vuyk. "Vier jaar geleden stonden Peter en ik hier samen op het podium om vriendschap te vieren. Hij zei na afloop: 'Het is zo bijzonder dat ik hier in Fryslân de hele middag mezelf heb kunnen zijn. Iedereen liet me hier gewoon Peter zijn.' Hij was daar niet Peter R. de Vries, hij was daar gewoon Peter."

"En nu zitten we hier", giet Vuyk fierder. "Het is exact een jaar geleden dat het berichtje kwam dat Peter was overleden. Daar kan je natuurlijk niet zomaar aan voorbijgaan." Vuyk hat ta eare fan De Vries in gedicht skreaun en in sjonger sil in ferske sjonge. "En wat ook wel heel bijzonder is, is dat ik hele goede vrienden ben geworden met zijn partner. Daarom is ze er voor mij bij. Ze wil dit moment echt delen, niet in het groot, maar juist in het klein."

Vuyk hat mear as 30 jier mei De Vries gearwurke. "De laatste zeven, acht jaar werd hij echt anders. Peter R. de Vries was de misdaadman, maar voor mij verloor hij steeds meer die R. Dat komt door vriendschap. Peter ging steeds beter snappen hoe belangrijk de verbanden tussen mensen zijn."

"We hebben het achter de schermen ook een keer heel mooi naar elkaar uitgesproken", fertelt Vuyk oer syn freonskip mei De Vries. "Potverdomme, we zijn gewoon echte vrienden geworden."

Hjoed krije minsken de kâns om in stikje mei te farren op ien fan de tallships. Om 11:00 en 14:00 oere sille de skippen in stikje de see op. De tochten fan 14:00 oere binne yntusken útferkocht. Op dy fan 11:00 oere binne noch wol wat plakken.

De boat fan Doeksen fart dizze dagen wat fierder nei efteren, sadat de reizgers nei Skylge de tallships fan de boat ôf sjen kinne.

Om 11:00 oere set it programma fan de twadde dei fan de Tall Ships Races yn Harns útein. Hichtepunt is de crew parade, wêrby't de bemanningen fan alle skippen yn in bûnte stoet troch de stêd hinne gean.

Sa ek de bemanning fan De Eendracht út Rotterdam. De crew falt net te missen: se hawwe allegear oranje klean oan. Davey, de boatsman fan De Eendracht hat der nocht oan. Sawiesa befalt it goed yn Harns: "Harlingen is een hele fijne haven om te komen. De mensen zijn heel gastvrij en je slaapt hier heerlijk, want je hoeft je nergens druk over te maken."

Davey hat al by de oare skippen sjoen: "Je moet ook een beetje de kunst afkijken bij andere schepen natuurlijk. Je moet goed jatten: wat is hun racetactiek? Dat soort dingen wil je natuurlijk achterhalen?"

De Eendracht is yn ferliking mei de oare skippen hiel modern. Dat hat gefolgen. "Om overstag te gaan met het schip hebben we in verhouding veel mensen nodig. Iedereen moet bij ons zijn steentje bijdragen. De trainees moeten heel goed luisteren. Als er één foutje wordt gemaakt, kan het onveilig worden", fertelt Davey.

Mei de trainees gie it neffens Davey hartstikke goed. "Ze waren in het begin een beetje afwachtend en we hadden een hele snelle start, dus alles moest heel snel. Dat was heel indrukwekkend voor de jongeren. Na een dag racen zie je wel dat er iets begint te dagen. Dan merk je dat ze er echt lol in beginnen te krijgen en dat ze racespirit krijgen."

Dat hat fertuten dien, want De Eendracht is úteinlik twadde wurden.

Noch ien kear weromsjen op de Sail In? Dat kin hjir:

Yn dit liveblog hâlde we jo op de hichte fan de lêste ûntwikkelingen oangeande de Tall Ships Races yn Harns. Op dizze side fynst al it nijs oer de Tall Ships Races op ien plak.