Nijs oer De Jong komt hurd oan: "Maar wel goed dat hij aan zichzelf denkt"
Cambuuroanfierder Erik Schouten hie al wat it idee dat it noch net hielendal goed siet mei trainer Henk de Jong. "Doordeweeks was hij er niet constant, dus je merkte wel dat hij af en toe een stapje terug moest doen."
De Jong makke tongersdei bekend dat er de rest fan dit seizoen net mear by de Ljouwerters op 'e bank sitte sil. De kyste yn 'e holle, dêr't er ein 2021 ek al lêst fan hie, spilet wer op. Hy hat te folle lêst.
It nijs komt oan as in klap yn Ljouwert, seit Schouten. "Voor de mens Henk de Jong is het goed dat hij deze beslissing neemt en aan zichzelf denkt. Voor ons is het wel zuur."
Wij moeten door. Zo is de voetbalwereld ook.
Tagelyk wit de oanfierder: de earstkommende wedstriid stiet alwer foar de doar. "Wij moeten door. Zo is de voetbalwereld ook. En ik weet ook zeker dat de trainer dat wil, maar het blijft een vervelende gebeurtenis."
In plan
De blik wurdt rjochte op koprinner Ajax. Nei it 9-0 ferlies earder dit seizoen hat Cambuur no in plan betocht om de Amsterdammers te bestriden.
Dat plan bliuwt noch wol geheim. "Dat zie je tijdens de wedstrijd wel", seit Schouten. Ien ding is dúdlik: "Het moet wel anders dan toen in Amsterdam."
Tsiende of alfde?
Nettsjinsteande in mindere rige de lêste moannen stiet Cambuur noch hieltyd achtste yn de earedivyzje. Heger as ferwachte. Schouten bliuwt reëel: "Als we tiende of elfde worden, hebben we het ook hartstikke goed gedaan."
SC Cambuur - Ajax begjint freedtejûn om 20.00 oere. Sportferslachjouwer Geert van Tuinen fersoarget it kommentaar fan it duel, dat live te folgjen is yn in ekstra radioprogramma op Omrop Fryslân.