Grien Manifest: "Opsterlân moat natuer better beskriuwe en behâlde"
Ynwenners fan Opsterlân en 21 natuerorganisaasjes hawwe in grien manifest opsteld. Dêryn steane punten wêrmei't de gemeente in bydrage leverje kin oan de natuer en leefomjouwing foar minsk en dier.
It manifest wurdt tongersdei oanbean oan de gemeenteried fan Opsterlân. De inisjatyfnimmers hoopje dat de gemeente oanbefellingen oernimt en wiist it bestjoer fan Opsterlân op syn ferantwurdlikens.
De inisjatyfnimmers wolle dat Opsterlân in lânskipsbiografy opstelt, om't sy fine dat de gemeente it lânskip noch net goed genôch beskreaun en ynventarisearre hat yn de hjoeddeiske bestimmingsplannen.
De pearels fan Opsterlân
Sa hat inisjatyfnimster Mary van der Graaf wol in pear konkrete ideeën foar Opsterlân. "De houtwallen - de parels van Opsterland - zou je goed kunnen beschermen door ze als waardevolle natuurelementen op te nemen in het bestemmingsplan. Om te voorkomen dat ze verdwijnen."
It bermbehear soe de gemeente mear ekologysk oanpakke kinne, tinkt Van der Graaf. "Je kunt ook stimuleren dat mensen tegels eruit halen, je kunt zorgen dat er meer bomen komen om hittestress te voorkomen en CO2 op te vangen."
De ikeprosesjerûp soe op in duorsume wize oanpakt wurde moatte, ynwenners soene koarting of stipe krije moatte om natuerynklusyf te bouwen en wettergongen en tsjerkepaadsjes soene beskerme wurde moatte.
Ulesprong
De oergong tusken natuer en lânbou soe better kinne, tinkt sy. It grien is tefolle fersnipele, der misse ferbiningen tusken de gebieten.
Van der Graaf nimt bygelyks de buorskip Ulesprong as foarbyld, by De Tynje. Sy wiist op De Lytse Deelen, in natuergebiet.
"Aan deze kant is een belangrijk weidevogelgebied, maar draai ik mij om dan zie ik aan de andere kant monucultuur met Engels raaigras, zoals we dat helaas als samenleving geconstrueerd hebben. In het voorjaar stikt het in het natuurgebied nog van de grutto's, kieviten en tureluurs, maar aan de overkant is niets te zien."
Dêr kin Hans ten Hoopen fan natuerferiening Geaflecht him wol yn fine. Dizze feriening is ien fan de stypjende organisaasjes. De goed 550 leden fan Geaflecht sette har yn foar de natuer yn Opsterlân.
Ten Hoopen seit: "Hiermee vragen we aandacht van het gemeentebestuur voor het belang van biodiversiteit en natuur op de lange termijn. Zorg ervoor dat huizen worden gebouwd die ook broedgelegenheid bieden voor vogels. Schep de mogelijkheid dat mensen in hun eigen omgeving een groen ommetje kunnen maken."
Inisjatyfnimster Mary van der Graaf en Hans ten Hoopen fan natuerferiening Geaflecht
"Wij zijn trotse, maar ook bezorgde inwoners", seit Mary van der Graaf ta beslút. "Wij wilden een constructieve bijdrage leveren, zodat de natuur, biodiversiteit en leefomgeving in stand blijft. Er zijn tal van verbeteringen mogelijk."