Omnium fan 8 febrewaris

It waar is noch suterich, de simmer liket fier fuort. Dochs prate wy yn Omnium alwer oer fakânsjes. Us gast Dick Jongman wurke jierren as reislieder, en hjirby belibbe er de gekste dingen.

De lêste ôflevering yn de Rige fan dizze wike. Noch in pear dagen, en dan is it safier: karnaval! Fan snein ôf kinne alle remmen los, kostúm oan en feestfiere! Spitigernôch binne der yn Fryslân net folle plakken dêr't se oan karnaval dogge. Wy sykje de Prins fan de karnavalsferiening fan Steggerda op.

En, yn de Reade Tried: soene jo it dwaan, in kollega ferlinke? Yn elts bedriuw wurdt wol ris wat sjoemele mei de oeren of de kilometers. Mar wat as it om gruttere saken giet, sa as stellerij of fertsjustering? By Holland Casino yn Skeveningen binne se der yn elts gefal klear mei. Dêr freegje se wurknimmers no om harren kollega's oan te jaan, as dy har skuldich meitsje oan bedroch. Is dit in goede oplossing? Yn Omnium it ferhaal fan in bedriuwsdetektive, dy't him deistich mei dit soarte saken dwaande hâldt.

Dat, en mear yn Omnium. Presintaasje: Dieuwke Kroese.

Diel dit berjocht op:
Omnium

Omnium

Freed 20 septimber wie de alderlêste útstjoering fan Omnium, mei yngong fan 23 septimber is der fan 12.00 oant 14.00 oere in nij nijs en achtergrûn programma. Muzyk yn Bedriuw is moarns dan te beharkjen fan 09.00 oant 12.00 oere. Omnium is in serviceprogramma mei achtergrûnen by it nijs en ynformative ûnderwerpen. Alle wurkdagen tusken 11.00 en 12.00 oere komt in grut ferskaat oan de oarder. It kin yn Omnium gean oer skiednis, oer polityk, mar ek oer sûnenssoarch of ekonomy.
(advertinsje)