IepenUP fan 6 febrewaris 2019 20:01

Wannear hast yn de gaten datst fereale bist? Wat no oftst net op famkes falst? Homonologen is de teäterfoarstelling fan Eline Roozeboom en wurdt spile troch seis jonge akteurs. It stik giet oer jong en fereale wêze. Wat as se oan my sjogge dat ik homo of lesbysk bin? Wat as ik it gewoan allegear noch net wit? Fragen dêr't út blykt dat leafde net sa te foarsizzen is, sa't we miskien wol wolle soene.

Njonken de akteurs, regisseur en de skoallen skowe noch mear minsken oan by it petear. Skriuwers Teus Dorrepaal en Mirjam van Tunen sille ek oanwêzich wêze. Dorrepaal skreau it boek Praat er maar niet over oer in homoseksuele kristlike jonge. Van Tunen brocht in boek út oer in kristlike lesbienne. De boeken binne basearre op harren eigen ûnderfiningen.

IepenUP

It online diskusjeprogramma dat alle woansdeis fan 20.00 oere ôf te sjen is op Omropfryslan.nl en de Facebookside fan Omrop Fryslân. Alle wiken stiet der wer in oar mienskiplik tema sintraal dêr't elkenien oer meiprate kin yn poppoadium Neushoorn yn Ljouwert.
(advertinsje)