IepenUP fan 20 maart 2019 20:01

IepenUP Live komt woansdeitejûn mei in spesjale ferkiezingsedysje. De wyklikse talkshow is dêrom dizze kear net yn poppoadium Neushoorn, mar yn it Provinsjehûs yn Ljouwert. Yn it programma kinne de minsken meisjen efter de skermen en wurdt der praat mei jonge kandidaten op de listen foar de Provinsjale Steateferkiezingen.

Jeffrey Graansma is 19 jier en stiet op de list foar de PVV en Niels Jacobi is 17 jier en komt op foar it CDA. Hoe komt it dat dizze jonge politisy sa ynteressearre binne yn de polityk en hoe tinke se oare jongeren te belûken by de polityk?

Fierders folgje we mei boargemaster Ferd Crone it slutingsproses fan in stimburo en sjogge we mei by it úteinsetten fan it tellen fan de stimmen.

IepenUP

It online diskusjeprogramma dat alle woansdeis fan 20.00 oere ôf te sjen is op Omropfryslan.nl en de Facebookside fan Omrop Fryslân. Alle wiken stiet der wer in oar mienskiplik tema sintraal dêr't elkenien oer meiprate kin yn poppoadium Neushoorn yn Ljouwert.
(advertinsje)