75 jier Excelsior Ouwsterhaule, in jubileum yn krisistiid;
Meganysk Frysk;
Eine- en swanneman Sjoerd Fontein: "Ik kin net sûnder";
It oersjoch fan de wike;
It Nijsfoarum mei Aukje de Vries (VVD), Jaap Stalenburg (PvdA) en Onno Falkena (Omrop Fryslân).
Foar in Frisse Noas hie René Koster in spontane moeting mei Sjoerd Fontein (88) yn de Ljouwerter Bosk. Yn syn skootmobyl giet Fontein alle dagen by 'syn' bisten del om se bôle te jaan. Mar wêrom, want it hoecht fansels net. "Nee, it hoecht net. Mar ik fiel dat ik it dwaan moat...."
Dit jier bestiet muzykferiening Excelsior fan Ousterhaule 75 jier. Yn dit jubileumjier soe it korps stevich útpakke, mar corona feroare alles. No ja, hàst alles. Want it moaie jubileumboek kaam der wol. Oer dat boek, de skiednis en de nuvere tiid om in jubileum yn te fieren, fertelle Jacob en Ruurd Stuiver. En fansels is de band te hearren mei opnames út it Omrop-argyf.
Sûnt in pear jier ha we yn Fryslân Campus Fryslân. Underdiel fan de Ryksuniversiteit Grins. Sa't dat op de universiteit giet, wurde der ûndersiken dien dêr't op promovearre wurde kin. In nijsgjirrich ûndersyk is dat oer spraaksynteze, útfierd troch de Fjetnamees Phat Do. Oer trijeënheal jier hopet er te promovearjen op dit ûndersyk.
De ôfrûne wike troch de eagen fan René Koster....
Dit kear mei as opinymakkers oan tafel:
Aukje de Vries, Twadde Keamerlid VVD;
Jaap Stalenburg, steatelid PvdA en sportsjournalist;
Onno Falkena, redakteur/ferslachjouwer Omrop Fryslân.
11:08 - Katzenjammer - I Will Dance (When I Walk Away)
11:22 - Andrea Bocelli - Chiara
11:56 - Overlanders - Michelle
12:09 - Bruce Springsteen - Better Days
