Buro de Vries fan 24 juny 2018 11:00

* Buorkje lykas pake * Bakermat hurdfytsen leit yn Fryslân * YM Gerben Hoekstra * Oersjoch fan de wike * Nijsfoarum mei Houkje Rijpstra, Romke de Jong en Jan Huitema * Presintaasje: René Koster

Sipke Hiemstra buorket krekt as syn pake

  • Sipke Hiemstra buorket krekt as syn pake

Hy hat mar 25 kij en leveret gjin molke oan it fabryk. Sipke Hiemstra fan Easterein is net in trochsneed boer. Syn heit wie yn 1982 de earste biologysk-dynamyske boer fan Fryslân. Doe't Sipke yn 1994 it bedriuw oernaam, gie hy op deselde wize troch. In pear jier lyn feroare der wat, doe't de EU in wet oannaam dy't bepaalde dat boeren dy't har kij winterdeis yn in gropstâl stean hawwe, harsels net biologysk boer neame meie. It gefolch wie dat Sipke Hiemstra net mear molke oan it fabryk leverje koe, omdat de molke net as biologyske molke ferkocht wurde mei.

It Buro gie nei Easterein ta om mei dizze bysûndere boer en syn partner, Aline Evenhuis, te praten oer syn wize fan buorkjen.

Bakermat fan it Nederlânske hurdfytsen leit yn Fryslân

  • Hurdfytse yn Fryslân

Hoe âld is de hurdfytssport? Faaks wurdt sein dat de âlderearste hurdfytswedstriid op 31 maaie 1868 hâlden is yn it park fan Saint-Cloud flakby Paris. Mar wie dat echt de âlderearste wedstriid? Neffens Martinus Jongsma fan Surhusterfean sieten de earste hurdfytspioniers yn Fryslân. Jongsma wit alles fan de Fryske hurdfytsskiednis, hy hat earder alles argiven útpluze oer dit ûnderwerp. Sa fûn hy in Boalserter Krante út 1863 weryn ferhaald wurdt oer in hurdfytswedstriid tusken twa manlju op de dyk fan Warkum nei Koudum.

YM: radiodokumint foar (ûn)bekende Friezen

  • YM Gerben Hoekstra

Yn Memoriam fiert it libben. Elk libben is it wurdich om op werom te sjen. Mei hichte- en djiptepunten, foar ús allegear herkenber. Mei dat idee gong Cor Waringa, earder dûmny op De Jouwer, oan 'e slach. Hy ferdjippet him alle wiken yn it libben fan in Fries en dizze wike is dat Gerben Hoekstra. 

Oersjoch fan de wike

  • Oersjoch fan de wike

Nijsfoarum mei Houkje Rijpstra, Romke de Jong en Jan Huitema.

  • Buro de Vries fan snein 24 juny

11:07 - Veldhuis & Kemper - Bijzonder
11:25 - Wulf - Switching Gears
11:40 - Jack Bottleneck & Johan Keus - Net Mei Bemuoie
11:49 - Cliff Richard - We Don't Talk Anymore
11:54 - Des'ree - Life
12:07 - Christopher Cross - All Right
12:16 - Jason Mraz - Have It All

Programma presentator: 
René Koster

Buro de Vries

Buro de Vries siket it út! Moaie dokumintêres, nijsgjirrige gasten en ferrassende gesprekken. Buro de Vries giet gemoedlik de djipte yn.
(advertinsje)