Buro de Vries fan 17 febrewaris 2019 11:00

It is 50 jier lyn dat de LP "In Spyltúch bin ik" fan Roel Slofstra útkaam. It soe de begjin wêze fan wat we no sjogge as 'de Fryske lichte muzyk'. Slofstra sels hold der boppedat de kwalifikaasje 'Oer-troubadoer' oan oer.  Takom wike wurdt Roel Slofstra 80 jier. It Buro socht him op foar in goed petear oer de muzyk, de tsjerke, Fedde Schurer, Sybe Krol, Lenny Kuhr, de gitaar en it âlder wurden.

Húshâldskoalle Nijenhove fan Boalsert wie de earste fan Fryslân. Wat yn 1931 begûn as naaikursus, groeide út ta in skoalle op trije nivo's mei mear as 500 learlingen ynklusyf in learare-oplieding en in eigen ynternaat. Oer '56 jaar Chr. Nijverheidsonderwijs in Bolsward' skreau âld-direkteur Jan J. Sangers in prachtich boek. It Buro gie op ûndersyk út mei Sangers en Fenna Stoel-Hoekstra, in âld-learling dy't letter sels dosint waard oan de skoalle...

Wat wie dit foar in wike? René Koster sjocht der, och sa subjektyf, op werom.

Nijsfoarum hjoed mei:

Geesje Duursma, horeka-ûndernimmer;

Theun Wiersma, provinsjaal listlûker 50Plus;

Retze van der Honing, riedslid Hearrenfean.

Yn Memoriam fiert it libben. Elk libben is it wurdich om op werom te sjen. Mei hichte- en djiptepunten, foar ús allegear werkenber. Mei dat idee gong Cor Waringa, earder dûmny op De Jouwer, oan 'e slach. Hy ferdjippet him alle wiken yn it libben fan in Fries en dizze wike is dat Jelle de Vries.