Buro de Vries fan 13 oktober 2019 11:00

    Muzykferiening Op Maat fan Berltsum is hurd oan it repetearjen foar it konsert "Klassiek in de kas", in bysûnder konsert op in bysûndere lokaasje: in kassekompleks by Bitgum.

    Yn Memoriam: Romke Wymenga

    It wikeoersjoch en it nijsfoarum mei Aukje de Vries, Gerben Gerbrandy en Trienke Elshof.

    "Yn in griene omjouwing nimme jo bettere besluten"

    "Yn in griene omjouwing nimme jo bettere besluten", dat seit Nico Minnema fan it advysburo Successie Natuurzaken. Sy ha de ynrjochting makke fan it bûtenterrein fan it nije opliedingssintrum De Laape. De Laape is in eardere pleats tusken Wergea en Warten dy't transfoarmearre wurdt ta in ekologysk ferantwurd opliedingssintrum mei fasiliteiten foar trainingen, iterij en oernachtings. Yn de âlde hinneskuorren binne lúkse 1-persoanskeamers mei dûs en toilet ynboud. In oar part hat de útstrieling fan in plantekas, mar dy romte wurdt brûkt as ynstruksjeromte en kantine. It Buro seach by De Laape en trof dêr inisjatyfnimmer Marrit Hoogwater en natoeradviseur Nico Minnema.

    Op Maat repetearret foar Klassiek in de Kas

    Fanfare Op Maat fan Berltsum wurket dit wykein mei oan in klassyk konsert op in bysûndere lokaasje: in kas by Bitgum. It is in konsert dat organissearre is troch de Fryske tenor Albert Bonnema. Klassyk oplate musisy bringe wurken fan Mozart, Schubert, Offenbach en oaren en wurde begelaat troch ûnder oaren de doarpsfanfare fan Berltsum. In prachtich projekt dêr't wol stevich foar repeteard wurde moat. Op de fêste repetysjejûn, de moandei, wie it Buro by dy repetysje. 

    Yn Memoriam: Romke Wijmenga

    Yn Memoriam fiert it libben. Elk libben is it wurdich om op werom te sjen. Mei hichte- en djiptepunten, foar ús allegear herkenber. Mei dat idee gong Cor Waringa, earder dûmny op De Jouwer, oan 'e slach. Hy ferdjippet him alle wiken yn it libben fan in Fries. Ditkear is dat Romke Wijmenga.

    It wikeoersjoch

    In persoanlike blik op it nijs fan de ôfrûne wike troch Geartsje de Vries

    it nijsfoarum mei Aukje de Vries, Trienke Elshof en Gerben Gerbrandy

    Yn it nijsfoarum beprate we de saken dy't dizze wike spilen yn ús provinsje en fierder yn de wrâld.

    Dizze snein binne dat VVD twadde keamerlid Aukje de Vries, Trienke Elshof fan de LTO en Gerben Gerbrandy, earste keamerlid en earder boargemaster.

    11:07 - Paul Simon - Late In The Evening
    11:42 - Hein Jaap Hilarides - Wat 'n Nacht
    11:51 - Mike Batt - Lady Of The Dawn
    12:10 - Lewis Capaldi - Someone You Loved
    12:19 - Lighthouse Family - Lifted

    Programma presentator: 
    Geartsje de Vries

    Buro de Vries

    Buro de Vries siket it út! Moaie dokumintêres, nijsgjirrige gasten en ferrassende gesprekken. Buro de Vries giet gemoedlik de djipte yn.
    (advertinsje)