18yn2018 fan 30 juny 2015 17:20

Kyra de Wolff en Johan van Dijk stean sintraal yn dizze ôflevering fan 18yn2018.

Kyra de Wolff wennet yn Sint Nyk, sy is in sportive faam. In pear kear yn de wike giet se nei de swim- of fuotbalklup. By har berte hat Kyra in blieding yn har brein hân, hjirtroch hat sy wat mear muoite mei learen. Mei folle plezier giet sy alle dagen nei de skoalle yn Beetstersweach.

Syn heit opfolgje yn it boerebedriuw, dat is de grutste dream fan Johan van Dijk út Aldelamer. Logysk dus dat hy VMBO-grien docht op it Terra yn Wolvegea. As hy út skoalle komt sprint er in de overall om de skiep te foeren. Ek fokt hy kninen.

18yn2018 is te sjen alle dagen om 17.20 oere en hjir nei alle oeren nei Hea!

Diel dit berjocht op:

18yn2018

Yn 18yn2018 folget programmamakker Dieuwke Kroese fjouwer jier lang achttjin jongeren fan trettjin en fjirtjin jier. Yn 2018 binne sy achttjin jier âld. Ferline jier binne de earste opnamen makke. De searje 18yn2018 jout in bysûnder byld fan de jonge minsken en harren eigen takomstdreamen.
(advertinsje)