Muzyk yn Bedriuw

Dyn wurkdei goed begjinne? Fan moandei oant en mei freed is der tusken njoggen en tolve oere moarns Muzyk yn Bedriuw. Fan it bedriuw of ynstelling fan de dei hearst alle dagen in kenmerkend lûd; asto wist wat dit lûd is, makkest kâns op de unike Omrop Fryslân-ûndersetters! Njonken in hiel soad muzyk fan de list fan it bedriuw fan de dei, ha we it ek alle dagen oer ûnderwerpen dêr't by wize fan sprekken oer praat wurdt by de kofje-automaat. Gjin swiere saken dus, mar wol nijsgjirrige ûnderwerpen út Fryslân of dêr bûten. En fansels hearst ek it lêste nijs út de provinsje op it heal oere! Reagearje kin ûnder de útstjoering fia de Omrop-app.

Jou dyn bedriuw no op!

Klik hjir om dyn bedriuw no op te jaan.

Wat moat der op de Omrop Fryslân ûndersetter komme?

Fertel ús watfoar spreuk of siswize der op de Omrop Fryslân ûndersetters komme moat. Wa wit wurdt dyn spreuk in moanne lang fuortjûn as priis by it lûd fan it bedriuw fan de dei yn Muzyk yn Bedriuw. Fansels winst sels ek in set unike ûndersetters as dyn idee keazen wurdt.

Klik hjir om dyn spreuk yn te sjtoeren

(advertinsje)