It moaiste fan Fryslân

Omrop Fryslân stjoert fan tongersdei 7 septimber 2017 ôf tsien wiken in telefyzjesearje út oer de tsien finalisten fan de ferkiezing ‘It moaiste fan Fryslân’. Yn dy ferkiezing kieze ynwenners fan Fryslân it aldermoaiste dat ús provinsje te bieden hat op it mêd fan romtlike kwaliteit. Yn de oanrin nei de bekendmakking fan de definitive útslach portrettearret Omrop Fryslân alle tongersdeis ien fan de tsien finalisten. 

Mei in sjuery fan saakkundigen ûnder lieding fan âld-deputearre Jannewietske de Vries hat it Fryske publyk it ôfrûne healjier hast 350 objekten nominearre foar de ferkiezing. Ut dy list is in top 100 gearstald fan it moaiste dat Fryslân oan romtlike kwaliteit te bieden hat. Nei 30.000 stimmen yn de earste ronde, binne de objekten mei de measte stimmen yn de finale kaam. Op tongersdei 16 novimber waard yn Fryslân Hjoed de winner fan de ferkiezing, it Eise Eisinga Planetarium yn Frentsjer, bekendmakke.

Mear ynformaasje: It moaiste fan Fryslân

Diel dit berjocht op:

It moaiste fan Fryslân útstjoeringen

(advertinsje)