Byrider nei sikehûs nei it útwiken foar oerstekkende ree yn Bontebok

12 sep 2020 - 07:09

Nei it útwiken fan in oerstekkende ree moast in byrider yn Bontebok yn de nacht fan freed op sneon mei in ambulânse nei in sikehûs brocht wurde. It ûngelok mei de auto dêr't de man yn siet, barde om healwei trijen hinne oan de Bonteboksterleane.

Foto: De Vries Media

De bestjoerder fan de auto moast útwike foar de ree en kaam dêrtroch tsjin in beam telâne. Troch de klap rekke de byrider ferwûne, dy't dêrnei nei it UMCG moast. Der binne twa ambulânsen en in plysjewein op it plak kaam. De auto is yntusken wer fan it plak helle.

(Advertinsje)
(Advertinsje)