Coronanijs: 8 besmettings op Skylger camping, spilers fuotbalklups Noardeast-Fryslân besmet

12 aug 2020 - 15:15

It oantal coronabesmettingen yn Fryslân nimt ta. Op ferskate plakken yn de provinsje wurde minsken posityf test of wurde previntive maatregels naam om't minsken yn kontakt west ha mei minsken mei corona. Yn dit liveblog bringe we it lêste coronanijs.

23:00
Ein fan dit liveblog

We binne oan de ein kaam fan dit liveblog fan woansdei 12 augustus. Tank foar it folgjen!

18:45
Al it personiel fan Skylger Jumbo wurdt test

De eigener fan de Jumbo yn Formerum op Skylge, Willem Mier, lit al syn personiel teste. Op de camping Appelhof waarden acht besmettingen fêststeld en de gasten fan dy camping komme geregeld yn syn supermerk. "We hadden de hoop dat het ons niet zou overkomen, maar het is toch gebeurd", seit de eigener.

De eigener fan de Skylger supermerk yn petear mei ferslachjouwer Onno Falkena

Foto: Omrop Fryslân, Onno Falkena
18:28
Gjin Iepen Monumintedei yn Waadhoeke

De Iepen Monumintedagen yn de gemeente Waadhoeke gean dit jier net troch fanwegen it coronafirus. It kulturele evenemint stie pland foar 11 en 12 septimber.

Foarsitter Lia Kolk is teloarsteld: "Het is erg spijtig, maar de gezondheid van een ieder staat ook voor ons voorop."

18:23
Café De Swetser moat ticht

De Veiligheidsregio hat besletten Café De Swetser op It Hearrenfean foarearst te sluten fanwegen it net neilibjen fan de coronamaatregels. Yn de nacht fan snein 9 augustus wienen der te folle minsken oanwêzich, waard der net genôch ôfstân holden, waard der gjin sûnenscheck dien en hienen net alle gasten in sitplak. Ek wie de dûnsflier iepene, wylst dat net tastien is.

17:49
'Fryske boargemasters prate tongersdei oer mooglike ekstra maatregels'

De Fryske boargemasters komme tongersdei byinoar fanwegen de ûntwikkelingen yn it ramt fan it coronafirus yn Fryslân. De boargemasters fan de Fryske gemeenten sille dan prate oer eventuele ekstra maatregels. Dat seit boargemaster Johannes Kramer fan de gemeente Noardeast-Fryslân. Syn gemeente hat te krijen mei in flinke taname yn it tal besmettingen, ûnder oaren by fuotbalklups.

Foto: Gemeente Noardeast-Fryslân

Boargemaster Johannes Kramer

17:07
Foarsitter Marco Tilma fan VV Ternaard

VV Ternaard

17:20
Ferslachjouwer Onno Falkena op Skylge

Onno Live op Skylge

17:10
"Ik denk dat iedereen hier corona gaat krijgen"

De jongerein op camping Appelhof op Skylge is bot skrokken troch it nijs dat der besmettingen fêststeld binne by acht jongeren, dy't ôfrûne wike op de camping stiene. "We gaan ons laten testen", sizze in pear fan de de jonge campinggasten yn koar. "Ik denk dat eigenlijk iedereen hier wel corona gaat krijgen", seit ien fan de jongeren.

Ferslachjouwer prate mei de jongerein op Skylge

16:58
Testlokaasje op Skylge is bekend
Foto: Omrop Fryslân, Onno Falkena

De testlokaasje op Skylge is bekend: it is in gebou yn Midslân-noard. De GGD rjochtet it testsintrum yn om de minsken op it eilân de mooglikheid te jaan om har gau teste te litten op it coronafirus. De lokaasje giet tongersdei iepen.

Trefwurden: 
coronafirus COVID-19
(Advertinsje)
(Advertinsje)