Plysje siket tsjûgen fan in ynbraak yn Suwâld
Oan de Daniel Bouweswei yn Suwâld hat tusken tiisdeitejûn en woansdeitemoarn in ynbraak west. Tusken 18.30 en 11.00 oere is der ynbrutsen yn in wente oan dy strjitte. Neffens de wykagint fan Suwâld is der in luchtdrukpistoal, in laptop en jild meinommen.
De plysje siket tsjûgen fan de ynbraak. Wa't wat frjemds sjoen hat, wurdt frege kontakt op te nimmen mei de plysje.