Simmerblog: Simmer yn Gytsjerk

Yn Gytsjerk binne se al acht jier dwaande om in multyfunksjoneel sintrum te krijen, mar de biblioteek funksjonearret eins ek as de húskeamer fan it doarp. Arjen Nijboer fan de byb: "Mensen kunnen hier een krantje lezen en koffie drinken. En het is ruim, dus we kunnen de mensen goed kwijt in deze coronatijd." Doarpsbelang wol graach mear gearkomsten mooglik meitsje, want by minsken thús yn de wenkeamer kin net yn dizze tiid.

Eeuwe de Vries, ynwenner fan Gytsjerk: "Minsken misse in sintraal punt foar de jeugd en âlderen om by elkoar te kommen. It jout mear ferbining yn it doarp en we moatte ek de ûndernimmers deryn meinimme."

Mear as 60 smaken ha Gideon en Jannie Sandtmann fan Le Bonbon yn Gytsjerk. "Alles is met de hand gemaakt, het gaat mij om de vulling van de bonbon, je krijgt een smaakexplosie", fertelt Gideon. Der binne guons mei allerhanne soarten likeur, mar der is ek ien mei silypeper. "Myn man betinkt de nije bonbons", fertelt Janny. "De nieuwste is de bonbon 'wad', die maak ik en dan laat ik hem op smaak testen door de medewerkers." Hy fynt it in prachtich berop, "af en toe even lekker snoepen."

Ferslachjouwer Froukje Sijtsma wie by ambachtlik slachterij Rijpma. "We sitte der al hast hûndert jier", fertelt Pier. "Us pake is yn 1926 begûn, en no is de fjirde generaasje ek al oan it wurk. Groeist derynop, yn it famyljebedriuw. Us heit hat my frijlitten yn de kar om yn it bedriuw te gean en ik lit ús bern der ek frij yn, mar Romke is hjir ek al oan it wurk."

De winkel leveret ek oan hoareka. "As se dan sneontjejûns belje mei de fraach oftst op sneins leverje kinst, dan heart dat der ek by. Ek yn de BBQ-wiken wurdt in soad fan dy frege, datst jûns troch moast. Dêr moatst wol achter stean en dyn frou ek."

Hy slachtet sels ek."We dogge alles sels, fan de oanfier fan it fee oant de ferkeap oan it klant en mei ús eigen produkten ûnderskiede we ús en lûke we klanten út de regio."

Gytsjerk hat syn eigen iepenloftswimbad De Sawn Doarpen. Gerda Goris, foarsitter fan SWIM, hat har bot ynset om it swimbad yn it doarp te behâlden. "Het zwembad is ontzettend belangrijk om jong en oud in beweging te houden, maar ook voor de sociale cohesie is het bad onmisbaar. Mensen ontmoeten elkaar hier en bovendien komen de mensen van verschillende zorgboerderijen hier om vrijwilligerswerk te doen, zoals het grasmaaien."

Badmaster Hein is grutsk op it bad. "Wy ha hjir in daaldersplakje. Der is net in better plakje om te wurkjen as hjir. Fanwege de coronakrisis ha wy in soad maatregels nimme moatten, wêrtroch't it swimbad gelokkich dochs iepen kin. Minsken binne hiel bliid dat de doarren iepen binne. Allinnich it waar lit ús no noch wat yn de steek."

Kees Westra makket hast alle dagen in foto fan it doarp. Sa hâldt er in deiboek by. "It fielt foar my en myn frou Anneke as thúskommen hjir yn Gytsjerk. It is in gesellich en gemoedlik doarp." Westra kaam yn 1978 yn Gytsjerk te wenjen, in doarp dat him net ûnbekend wie, want syn mem is hikke en tein yn Gytsjerk. "Wy ha hjir moaie doarpsfeesten en merken. Sa hat elk doarp yn de omjouwing syn eigen karakter en pluspunten."

Westra seach syn doarp de ôfrûne jierren feroarjen. Sa kaam der in grutte supermerk en waard de kroech ferfongen troch in soarchlokaasje. "It brûst hjir yn it sintrum. Wy ha hjir flink wat flecht op 'e koai as der aktiviteiten organisearre wurde. Mar op dit stuit is it hiel stil fanwege de coronakrisis, wêrtroch't festivals lykas Tryn's Rock net trochgean kinne."

Goeiemoarn en wolkom yn dit simmerblog. Simmer yn Fryslân is moandei te gast yn Gytsjerk. Ferslachjouwers Arjen Bosselaar en Froukje Sijtsma dogge de hiele dei ferslach.

Freed wie Simmer yn Fryslân yn Damwâld. Dat kinne je hjir weromlêze.