Simmerblog: Simmer yn Noardwâlde

07 jul 2020 - 17:00

Dizze simmer meitsje de ferslachjouwers fan Omrop Fryslân in acht wiken lange toer troch ús provinsje. Se strike del yn ferskate doarpen en stêden yn Fryslân en besykje dy plakken te sjen troch de eagen fan de bewenners. Want, wat bart der yn de simmer? Is it dit jier in bysûndere simmer? En wat fine de minsken fan har eigen doarp of wyk?

Hjoed binne we de hiele dei yn Noardwâlde. Yn dit simmerblog in oersjoch fan alle ferhalen. Jûns om 17.15 oere, en dêrnei om 'e healoere, is Simmer yn Fryslân op telefyzje te sjen.

18:00
Simmer yn Noardwâlde
18:00
Ein fan dit simmerblog

Wy slute it simmerblog ôf foar hjoed. Moarn binne wy der wer, dan is Simmer yn Fryslân de hiele dei yn Kollumerpomp. Oant moarn!

17:50
't Buurthuus

It mienskiplike sintrum fan Noardwâlde is 't Buurthuus. "Sinds vijf jaar wordt er heel veel georganiseerd in 't Buurthuus en is echt een dorpscentrum", seit foarsitter Jan de Vries. "Het was geen dorpscentrum, er zat een commerciële uitbater in, toen vroeg de gemeente aan het dorp: wat willen jullie? We wilden meteen maatschappelijk iets te betekenen." It groeide út nei in plak wêr't it doarp byinoar komt.

De Vries hat noch wol in puntsje wêr't it doarp oan wurkje kin. "Het is een dorp met veel mogelijkheden, maar dat er nog iets te vele mensen zijn die die mogelijkheden nog net niet genoeg gebruiken."

Ferslachjouwer Maaike van der Hoek yn 't Buurthuus

Foto: Omrop Fryslân, Maaike van der Hoek
16:57
De Stoel

Ien fan de wichtigste plakken yn Noardwâlde is it Nationaal Vlechtmuseum. "Je ziet hier prachtige stukken, allemaal van vlechtwerk, manden, wiegen, stoelen, en noem maar op", fertelt direkteur Ivan van Nieuwenhoven." In de jaren '60 stond in bijna iedere woonkamer wel een setje rotanstoelen."

Ien fan de topstikken yn it museum is de stoel út it telefyzjeprogramma De Stoel fan Rik Felderhof. "Heel herkenbaar ging hij er altijd naartoe met de stoel op het dak van zijn auto. Je ziet ook aan deze stoel, hij is licht beschadigd, dus hij is waarschijnlijk tijdens een van zijn reizen van het dak afgedonderd."

Ferslachjouwer Maaike van der Hoek yn it Nationaal Vlechtmuseum

16:05
Koersbalje

Yn Noardwâlde wurdt fansels ek sporten. Yn 't Buurthuus wurdt geregeld koersbal dien, in sport dy't wol wat op jeu de boules liket. "Binnen Noordwolde is het belangrijk dat de ouderen actief zijn. We hebben daarom een koersbalvereniging opgericht", fertelt Piet.

De Noardwâldsters ha in soad nocht oan it koersbaljen, seit Helen. "De gezelligheid en de lol die je hebt is mooi. Ik woon hier nog niet zo lang, dus dan is het helemaal leuk om wat contacten te krijgen."

Ferslachjouwer Maaike van der Hoek besiket koersbal

15:40
In plestiken oseaan

Noardwâlde hat in orizjinele wize fûn om plestik ôffal op te romjen. Fan de rommel wurdt in keunstwurk fan in oseaan makke.

It projekt is ûnderdiel fan it jeugdwurk yn it doarp. "Ze kunnen zich bij ons lekker thuis voelen, allerlei leuke dingen doen, zoals dit project."

De plestiken oseaan fan Noardwâlde

13:55
It stasjon fan Noardwâlde

Troch de flechtyndustry krige Noardwâlde ek in tramstasjon. "Het was in de gloriejaren van de rotanindustrie. Toen moesten ze de stoelen lopend naar Peperga brengen, dat moesten ze in hun vrije tijd doen", fertelt Jan Bekhof. De spoarferbining, dy't yn 1914 iepene waard, wie dus in útkomst foar de flechters.

Ferskate ynwenners fan it doarp wurkje oan it restaurearjen fan in âlde lokomotyf, dy't yn it doarp komt te stean. De trein waard by D-day troch de Alliearden op it strân fan Normandië ôflevere en die letter tsjinst op it spoar by Noardwâlde.

Ferslachjouwer Maaike van der Hoek by it stasjon fan Noardwâlde

It stasjon fan Noardwâlde - Foto: Omrop Fryslân, Maaike van der Hoek
13:23
Wurkje oan in better Noardwâlde

Noardwâlde is neffens de ynwenners in doarp mei in grut mienskipsgefoel. "Het is een prachtig dorp met veel inwoners die heel hard werken maar ook inwoners die het moeilijk hebben om rond te komen. En er zijn ook heel veel inwoners die hun best doen op het dorp beter te maken", fertelt Ineke Hut. Mei it projekt Bestimming Noardwâlde wurdt besocht te soargjen dat it doarp der finansjeel en sosjaal sjoen better foar komt te stean.

Wurkje oan in better Noardwâlde

Ineke Hut en Jan Bekhof - Foto: Omrop Fryslân, Maaike van der Hoek
12:10
Camping fol mei poppen

Henk en Hennie stean al tweintich jier op 'e camping yn Noardwâlde. Harren caravan is in nuvere ferskining: it stiet der fol mei poppen.

Ferslachjouwer Maaike van der Hoek op camping Rotandorp

Foto: Omrop Fryslân, Johanna Brinkman
11:25
Op 'e mûne

Midden yn Noardwâlde stiet de mûne 'Windlust'. Sake Bergsma is al 44 jier mûner yn Noardwâlde. "Ik bin der allinnich sneontemiddeis, oars krij ik gjin permisje fan de frou. Mar ik sla gjin sneon oer", seit er. Hy hopet de 50 jier fol te meitsjen.

Ferslachjouwer Maaike van der Hoek by de mûne yn Noardwâlde

10:15
Sels de camping is rotan

Sels de camping fan Noardwâlde docht tinken oan de rotanyndustry. "Mijn schoonvader had hier een rotanfabriek, daar was een stuk land bij en toen dacht hij dertig jaar geleden, het is misschien wel leuk daar een camping van te maken", fertelt Yvonne Diever. Om de rotanyndustry yn eare te hâlden, krige it de namme Camping Rotandorp.

Ferslachjouwer Johanna Brinkman op Camping Rotandorp

Foto: Omrop Fryslân, Johanna Brinkman
10:00
De geast fan rotan

"De geest van rotan hangt nog in Noordwolde", fertelt Van Nieuwenhoven. Oeral yn it doarp sjogge je de histoarje fan de flechtyndustry noch werom.

De ynfloed fan de rotanyndustry yn Noardwâlde

9:45
'Noardwâlde, it flechtdoarp'

Noardwâlde is lanlik bekend troch de rotanyndustry. "Daar was Noordwolde bekend om, en dat proberen we met het Nationaal Vlechtmuseum toch een beetje in stand te houden", fertelt Martin van Nieuwenhoven. It doarp draaide op de yndustry en hie sels in reidflechtskoalle.

Ferslachjouwer Johanna Brinkman yn it Nationaal Vlechtmuseum

Foto: Omrop Fryslân, Johanna Brinkman
9:30
Wolkom yn Noardwâlde!

Goeiemoarn en wolkom dit simmerblog. Simmer yn Fryslân is hjoed yn Noardwâlde. Ferslachjouwers Johanna Brinkman en Maaike van der Hoek dogge de hiele dei ferslach.

Moandei wie Simmer yn Fryslân yn Reahûs. Alles dêroer kinne jo hjir werom lêze.

Foto: Omrop Fryslân
(advertinsje)
(advertinsje)