Coronanijs 28 maaie: 'Help de Waadeilannen'; optimisme oer toerisme dizze simmer

28 maaie 2020 - 17:30

Yn dit liveblog melde wy it lêste nijs oer it coronafirus.

  • Yn Fryslân binne oant no ta yn totaal 66 minsken ferstoarn oan it coronafirus, en 585 minsken binne posityf test.
  • Al it nijs oer it firus is te finen yn ús coronadossier.
  • Sjoch op de kaart de aktuele situaasje yn dyn gemeente.

Dit liveblog is ook in het Nederlands te volgen.

22:30
Ein fan dit liveblog

Wy binne oan de ein kaam fan dit liveblog fan tongersdei 28 maaie oer it coronafirus. Elkenien tige tank foar it folgjen en graach wer oant freed. Dit wie it wichtichste coronanijs fan de dei:

Foto: Shutterstock
22:20
Coronakeunst yn Warkum: "It is tiid om dy as keunstner te uterjen"

Op De Merk yn Warkum stiet in fiif meter grut keunstwurk fan keunstner Henk de Boer. It wurk bestiet út in skilderij mei in gedicht. De Boer hat noch twa keunstwurken makke; ien foar syn hûs en ien in eintsje fierderop. Neffens de keunstner is it no de tiid foar keunstners om harren wurk nei bûten te bringen en dy as keunstner te uterjen.

Lês mear: Coronakeunst yn Warkum: "It is tiid om dy as keunstner te uterjen"

22:08
'Waadeilannen hawwe driuwend help nedich om leefber te bliuwen'

Der moat rap wat barre om de waadeilannen te rêden. Dat sei boargemaster Ineke van Gent fan Skiermûntseach tongersdei by de wurkbesite fan keninginne Máxima oan Teksel. Neffens Van Gent sitte de eilannen yn grutte problemen, no't it toerisme op de eilannen foar in part fuortfalt. Van Gent, foarsitter fan it gearwurkingsferbân De Wadden, hat keninginne Máxima frege ambassadeur fan de Waadeilannen te wêzen yn Den Haag.

Foto: ANP
20:50
Rydbewizen langer jildich

Rydbewizen dy't tusken 1 febrewaris en 31 augustus ferrinne, bliuwe sân moannen langer jildich. Dat jildt ek foar rydbewizen dy't fanwegen medyske oandwaningen elk jier of om de trije jier ferlinge wurde moatte. Minister Van Nieuwenhuizen ropt yn in ferklearring minsken mei sa'n rydbewiis wol op "om goed na te denken of het wel verstandig is de weg op te gaan voordat hun medische keuring en de beoordeling van de rijvaardigheid hebben plaatsgevonden".

Foto: Omrop Fryslân
20:37
Fideodeiboek: "Ik ben veel thuis geweest, voor mij is dat helemaal nieuw"

Paralympysk hurdfytser Tristan Bangma lit yn syn vlog sjen hoe't hy thús firtueel fytst mei in fyts, laptop en in kompjûter. Der wurdt mjitten hoefolle krêft hy levert en dat bepaalt hoe snel hy giet. Op syn telefyzje sjocht hy dan ek in rûte, hjirtroch wurdt de training foar him in stik makliker om te dwaan.

Foto: Omrop Fryslân
18:12
Toeristyske ûndernimmers optimistysk oer simmer, nettsjinsteande corona

Toeristyske ûndernimmers yn Fryslân binne optimistysk oer de simmer, nettsjinsteande de coronakrisis. Se hiene in minne start fan it seizoen, mar it begjint no te rinnen. De measte minsken yn Nederlân geane mei fakânsje yn eigen lân en dat is te fernimmen. Mar bûtenlânske toeristen komme net, seit direkteur Martin Cnossen fan marketingorganisaasje Merk Fryslân.

Lês mear: Toeristyske ûndernimmers optimistysk oer simmer, nettsjinsteande corona

17:21
32 deaden, 182 positive tests

Der binne tongersdei 32 minsken yn Nederlân ferstoarn oan de gefolgen fan besmetting mei it coronafirus. Ek binne 182 minsken posityf test op it coronafirus. Dizze pasjinten binne net allegear yn de ôfrûne 24 oeren posityf test of ferstoarn, mar ek dêrfoar.

Foto: Shutterstock
16:33
NOC*NSF: topsporters sa gau as mooglik wer traine litte

NOC*NSF wol de Nederlânske topsporters sa gau as mooglik wer traine litte, sûnder de regel dat se oardel meter ôfstân hâlde moatte. De sportkoepel hat in nij feilichheidsprotokol nei it ministearje fan VWS stjoerd. Ek kontaktsporters soene wer folslein traine moatte.

16:21
European Water Technology Week giet net troch

De European Water Technology Week (EWTW), dy't foar septimber pland stie yn it WTC Expo yn Ljouwert, giet dit jier net troch yn ferbân mei it coronafirus. Dat hawwe de organisatoaren, wêrûnder Wetsus, bekend makke.

Wetsus yn Ljouwert - Foto: Omrop Fryslân, Joris Kalma
14:44
Planburo's: hâld nei corona net fêst oan 1,5 meter

It Sociaal en Cultureel Planbureau, Centraal Planbureau en Planbureau voor de Leefomgeving advisearje it kabinet om nei de coronakrisis net fêst te hâlden oan de 1,5 meter ôfstân. Dat soe net in 'nij normaal' wurde moatte, fine sy.

Yn it advys skriuwe sy: "In die herstelfase gaat het om meer dan gezondheid alleen: langere termijndoelen voor onze economie, leefomgeving en samenleving zijn dan evenzeer richtinggevend voor beleid. De planbureaus adviseren daarom niet de nadruk te leggen op een noodzakelijke situatie voor de korte termijn, maar op het wenselijk langetermijnperspectief van een gezonde, veerkrachtige en duurzame samenleving."

Trefwurden: 
coronafirus COVID-19
(advertinsje)
(advertinsje)