Isabelle Diks betellet ûnbekend jildbedrach werom oan gemeente Ljouwert
Ald-wethâlder Isabelle Diks hat in regeling troffen mei de gemeente Ljouwert oer it werombeteljen fan wachtjild. Dat befêstiget in wurdfierder fan de gemeente.
It giet om de tiid dat Diks fan Ljouwert nei de Twadde Keamer gie, nei't se dêr mei foarkarstimmen foar GrienLinks yn de fraksje kaam. Om hoefolle jild oft it giet, woe de wurdfierder net sizze. Earder dizze moanne lei Diks al ûnder fjoer fanwege de situaasje.
Isabelle Diks waard koartlyn wethâlder yn de stêd Grins.
