Fuotbalklups tebekhâldend oer earedifyzje mei Cambuur en De Graafschap

08 maaie 2020 - 07:12

Promoasje foar SC Cambuur en De Graafschap en folgjend seizoen in earedifyzje mei tweintich klups. It is in foarstel dat yn Ljouwert en Doetinchem mei in soad blydskip begroete wurde soe, mar hoe sit dat by de rest fan fuotbaljend Nederlân? Omrop Fryslân makke in rûngong by alle betelle fuotbalklups del oer hoe't se dêr tsjinoan sjogge. De mearderheid wol der net op foarútrinne.

Foto: Orange Pictures

It koart pleit fan SC Cambuur en De Graafschap tsjin it beslút fan fuotbalbûn KNVB om de twa klups net promovearje te litten, tsjinnet freed. It is live te sjen by Omrop Fryslân, op de webside en yn de app. De útslach folget binnen twa wiken.

Mocht de KNVB gelyk krije fan de rjochter, dan soene Cambuur en De Graafschap in algemiene leadegearkomste fan de KNVB as lêste rêdingsboei hawwe om promoasje ôf te twingjen. Foar 18 juny stiet der in ledegearkomste pland.

Mochten Cambuur en De Graafschap dizze kwestje op de aginda sette wolle, dan moatte se úterlik in wike foar de gearkomste in skriftlik fersyk yntsjinje. Dêrfoar sille se wol meistanners sykje moatte, want om in punt op de aginda te setten, binne minimaal fiif klups nedich.

Hoe steane klups tsjinoer in earedifyzje mei tweintich klups?

Foar (7) Tsjin (4) Gjin ynhâldlike reaksje (23)
AZ FC Emmen ADO Den Haag
SC Cambuur FC Groningen Ajax
Go Ahead Eagles Heracles Almelo Almere City
De Graafschap FC Volendam FC Den Bosch
Roda JC FC Dordrecht
Sparta Rotterdam FC Eindhoven
PEC Zwolle Excelsior
Feyenoord
Fortuna Sittard
SC Heerenveen
Helmond Sport
MVV Maastricht
NAC Breda
NEC
PSV
RKC Waalwijk
Telstar
TOP Oss
FC Twente
FC Utrecht
Vitesse
VVV-Venlo
Willem ll

Earedifyzje

De tendins is dat de measte klups harren net brâne wol oan dit stânpunt. Op AZ nei, dy klup is dúdlik. Wurdfierder Lisanne Nooter lit witte dat AZ-direkteur Robert Eenhoorn by Studio Sport earder ek al kenber makke hat dat AZ wol foar tweintich klups is: "Dan heb je oog gehad voor de onderkant van de Eredivisie en de bovenkant van de Eerste Divisie. Natuurlijk is het lastig om het in het programma te verwerken, maar tijdens de call werd gezegd dat het nagenoeg onmogelijk was. Dan denk ik: het is niet onmogelijk."

Se binne seldsum yn de earedifyzje, mar PEC Zwolle is foarstanner fan tweintich klups. Algemien manager Jeroen van Leeuwen: "Er komen voor ons twee mooie wedstrijden bij, met De Graafschap en Cambuur. Dat is voor ons wel interessant." Ek Sparta Rotterdam lit witte foar it plan te wêzen.

Foto: Orange Pictures

Het is op dit moment ook niet aan ons om hier iets van te vinden.

Parsefoarljochter Marco Heerschop fan SC Hearrenfean

Ajax stiet posityf tsjinoer it plan, mar wol dochs gjin stelling ynnimme, sa lit de klup yn in statement witte: "Het is niet zo zwart-wit dat Ajax voor of tegen is. Ajax staat voor het komende seizoen niet onwelwillend tegenover een eredivisie met twintig clubs. Maar het hangt af van de invulling ervan en ook of en zo ja, hoe wordt omgegaan met bijvoorbeeld de nationale bekercompetitie en het Europese voetbal."

Ek SC Hearrenfean hâldt him op de flakte. Parsefoarljochter Marco Heerschop: "Wij zijn in lijn met ons eerdere statement van mening dat dit een zaak is van de KNVB. Het is op dit moment ook niet aan ons om hier iets van te vinden." FC Utrecht en VVV-Venlo litte fia harren parsefoarljochter witte dat se gjin stânpunt ynnimme.

Fortuna Sittard, FC Twente, Willem ll, Vitesse en PSV reagearje wol, mar mei dat se gjin reaksje jaan wolle. Wurdfierder Thijs Slegers fan PSV seit dat se dit ûnderwerp allinnich beprate wolle mei de partijen dy't dêroer geane. Dus mei de ECV en de KNVB en net fia de media. Feyenoord wol hielendal net reagearje. ADO Den Haag en RKC Waalwijk wiene net te besetten foar in reaksje oer dit ûnderwerp.

FC Groningen lit út namme fan parsefoarljochter Richard van Elsacker it folgjende witte: "Wij hebben hier onze eigen zorgen en houden ons dan ook niet bezig met vragen over situaties die vooralsnog niet aan de orde zijn. Met andere woorden: op dit moment geen commentaar."

In opmerklik stânpunt, want earder liet FC Groningen-direkteur Wouter Gudde yn in podcast fan RTV Noord witte dat hy tsjin tweintich klups is. Dêryn seit Wouter Gudde: "Wij zien in de kalender een groot risico met twintig teams. Omdat die kalender zo vol zit, dat je zonder publiek moet gaan spelen zo groot wordt."

FC Emmen en Heracles Almelo binne fûl tsjinstanner fan de plannen. Algemien direkteur Rob Toussaint fan de Almeloërs: "Dat is niet goed voor het betaalde voetbal. Je zou het wel structureel kunnen doorvoeren, bijvoorbeeld voor de komende tien jaar. Maar als het slechts voor één seizoen is, dan gaan clubs onverantwoorde risico's nemen om niet bij de onderste vijf te eindigen. Dan breek je het voetbal af."

(advertinsje)
(advertinsje)