Trije dagen nei fjoerferbod op Skylge al brânstichting

19 apr 2020 - 12:50

De plysje fan Skylge siket tsjûgen fan brânstichting. De brânwacht fan it eilân waard krekt foar healve tolven alarmearre foar in natuerbrân. It fjoer wie oan Buiten de Kom yn West-Skylge. Neffens de plysje giet it nei alle gedachten om brânstichting, fanwege de oantroffen situaasje.

De brân wie yn 'e buert fan de mar Doodemanskisten, njonken West-Skylge. De brânwacht hie it fjoer aldergeloks gau ûnder kontrôle. Tongersdei hat de gemeente noch in smook- en stookferbod ôfjûn foar de natuergebieten op it eilân.

(advertinsje)
(advertinsje)