Famke (17) dat fermist wie, is wer terjochte

13 apr 2020 - 19:46

It 17-jierrige famke út Ljouwert dat al twa wiken fermist waard, is fûn. Se is yn goede sûnens, meldt de plysje.

Foto: Plysje

It famke wie op 27 maart fuortrûn út in soarchynstelling yn Hengelo. Oarspronklik komt se út Ljouwert. De plysje tocht dat se dêr wie. Wêr't se úteinlik fûn is, wurdt net bekend makke.

De plysje freget boppedat oft elk dy't har foto dield hie, dy foto no wer fuorthelje wol.

Trefwurden: 
plysje Ljouwert fermist Hengelo
(advertinsje)
(advertinsje)