Mear as santich tips by plysje oer dea Karin Grijpstra; mes fûn yn'e berm

It mes dat fûn is lei dêr nei alle gedachten al hiel lang, seit in wurdfierder fan de plysje, dy't dan ek net tinkt dat it mes brûkt is by it delikt. Omdat alles meinommen wurdt yn it ûndersyk, wurdt it wol serieus ûndersocht.

Ien fan de suggestjes is dat der mooglik wat bard is mei de hûn, dy't se oan it útlitten wie. "Daardoor is er mogelijk ruzie ontstaan." De plysje sjocht nei twa senario's: "Het zou kunnen zijn dat iemand bekend was met haar en met haar patronen, dus wist dat ze vaker 's nachts de hond uitliet. De tweede mogelijkheid is dat ze op het verkeerde moment op de verkeerde plaats was."

Yn beide gefallen tinkt de plysje dat de dieder ien is dy't bekend is yn de buert. "We hebben uitgebreid gesproken met rechercepsychologen en profilers. Zij vertellen ons dat gezien de locatie en tijdstip het eigenlijk iemand zou moeten zijn die hier bekend is."

It hiele doarp hat de útstjoering fan Opsporing Verzocht sjoen en elkenien hat it deroer, seit ferslachjouwer Auke Zeldenrust fan Omrop Fryslân. "Minsken wiene der al mei dwaande, mar no fansels hielendal."

Jaap Keizer fan it doarpsbelang: "As de dieder ien út de buert is... jonge, jonge. Ik soe it net witte, ik doar it net te betinken. Je moatte neat útslute." Yn it doarp libje se bot mei de famylje fan Grijpstra mei, seit Keizer. "It is te hoopjen foar de neisten dat der gau ljocht skynt."