Coronanijs tiisdei 31 maart: skoallen en hoareka langer ticht, gjin proffuotbal oant 1 juny

31 mrt 2020 - 22:56

Yn dit liveblog melde wy it lêste nijs oer it coronafirus:

  • Der binne yn ús provinsje oant no ta 128 minsken posityf test op it firus, alve minsken binne stoarn.
  • Der lizze yn Fryslân op dit stuit 28 minsken op de intensive care en nochris 81 minsken op oare ôfdielingen yn de sikehuzen.
  • Skoallen en hoareka bliuwe ticht oant en mei 28 april, hat it kabinet bepaald. It betelle fuotbal leit stil oant 1 juny.
  • Al it nijs oer it firus is te finen yn ús coronadossier.
  • Sjoch hjir op de oersjochkaart nei it totaal oantal positive tests yn Fryslân (boarne: RIVM/GGD).

Dit liveblog is ook in het Nederlands te volgen.

22:52
Oant safier

Oant safier dit liveblog fan tiisdei 31 maart oer de coronakrisis. It wichtichste nijs fan hjoed op in rychje:

  • Der binne no yn totaal alve minsken yn Fryslân stoarn oan it coronafirus. By 128 Friezen is it coronafirus fêststeld;
  • Yn de Fryske sikehûzen lizze tiisdei 109 coronapasjinten. Fan harren lizze der 28 op de intensive care;
  • Skoallen bliuwe ticht oant en mei de maaiefakânsje. Ek de hoareka, musea, kappers en sportklups meie foar 28 april net iepen. Eveneminten dêr't in fergunning foar nedich is, wiene al ferbean oant 1 juny;
  • Minsken moatte gjin plannen meitsje foar de maaiefakânsje. Elkenien moat thús bliuwe, seit premier Rutte;
  • Kommende snein moat der foar 2.400 pasjinten plak wêze op de intensive care yn Nederlân, seit minister Hugo de Jonge. Op it stuit steane der 1.900 bêden klear;
  • It soarchpersoniel bûten de sikehûzen mei klachten wurdt ek test op it coronafirus. Binnen in pear wiken wurdt de testkapasiteit fjouwer kear sa grut. Dan is it mooglik om alle dagen 17.500 tests út te fieren;
  • De kompetysjes yn it amateurfuotbal wurde net ôfmakke: der binne gjin kampioenen en gjinien promovearret of degradearret. It betelle fuotbal leit stil oant yn alle gefallen 1 juny;
  • It tal meldingen fan húslik geweld, bernemishanneling en âldereinmishanneling nimt bot ta.
22:32
KNVB wachtet UEFA-gearkomste ôf

De KNVB hie trije senario's foar de rest fan it seizoen yn it betelle fuotbal: útspylje foar 30 juny, útspylje nei 30 juny of it seizoen no beëinigje. It earste senario kin al hast net mear, no't Rutte hjoed sein hat dat der foar 1 juny net fuotballe wurdt.

Om it seizoen ôf te meitsjen, moat dêrom ek yn july fuotballe wurde. Dat moat de UEFA dan wol tastean, want offisjeel rint it seizoen oant 30 juny. Woansdei is der in gearkomste mei de UEFA en lanlike fuotbalbûnen, dan moat d6er mear dúdlik oer wurde.

22:05
FNP boykot riedsgearkomsten Achtkarspelen

Boargemaster Brouwer fan Achtkarspelen tinkt dat riedsgearkomsten yn beheinde foarm trochgean kinne, mar de FNP yn dy gemeente is it dêr net mei iens. Dy fraksje boykot de kommende gearkomsten. Se fine it "ûnbegryplik en net besteanber" dat de gearkomsten trochgeane.

"De oerheid nimt needsaaklike maatregels, mar de gemeentlike oerheid yn Achtkarspelen fynt blykber dat al dy regels allinnich foar in oar jilde en net foar harren sels", seit FNP-riedslid Tjibbe Brinkman.

21:17
Twa Fryske klups yn tredde difyzje

Dat it amateurfuotbal dit seizoen net mear ôfmakke wurdt, betsjut ûnder oare dat de twa Fryske klups yn de tredde difyzje elkoar takom seizoen wer treffe: Harkemase Boys en ONS Snits yn de tredde difyzje. Dat wylst de iene klup mei die om promoasje en de oar op degradearjen stie. Jan Vlap, takom seizoen trainer by ONS: "Als toekomstige degradant moet je blij zijn dat je er nu in blijft, maar ik vind het veel sneuer voor clubs die dicht bij promotie stonden."

Lês hjir it folsleine ferhaal oer it amateurfuotbal.

21:07
"Pynlik, mar begryplik"

"Pynlik, mar begryplik." Dat is de reaksje fan âldereinbûn ANBO op it beslút om de coronamaatregels te ferlingjen. "De gezondheid van ons allemaal gaat voor, maar het is wel verdrietig nieuws voor ouderen in verpleeghuizen die geen bezoek mogen ontvangen en ouderen die alleen thuis zitten", seit ANBO-direkteur Liane den Haan.

20:33
AOb: ferstannich beslút

Dat de skoallen langer ticht binne, is in ferstannich beslút, seit de Algemene Onderwijsbond. "Dit was een onvermijdelijk besluit, we snappen dat het kabinet de scholen langer dichthoudt. De gezondheid staat voorop." De skoallen binne yn alle gefallen ticht oant de ein fan de maaiefakânsje, dy't offisjeel fan 25 april oant 3 maaie is.

20:32
Oerlis ûnderwiis

De hegeskoallen en universiteiten prate woansdeitemoarn mei minister Van Engelshoven oer de gefolgen fan it ferlingen fan de maatregels. Dan moat dúdlik wurde wat dy gefolgen binne, want op it stuit wit de Vereniging Hogescholen dat noch net. Ek de MBO Raad is by it oerlis.

20:00
Amateurfuotbal giet net fierder

It seizoen yn it amateurfuotbal giet net mear fierder, seit de KNVB. Der binne gjin kampioenen en ek gjin klups dy't promovearje of degradearje.

Direkteur fan it amateurfuotbal Jan-Dirk van der Zee: "Nederland heeft een uniek verenigingsleven dat inmiddels geruime tijd stilligt. Sommige mensen zijn ziek, sommigen helaas zelfs overleden en velen zitten verplicht thuis. Het gaat bij ons om vrijwilligers en amateurvoetballers voor wie de vraag 'hoe nu verder?' steeds zwaarder gaat wegen. Vandaag kunnen we vaststellen dat de competities niet meer op een gewenste manier kunnen worden uitgespeeld voor de start van de zomerstop. In tegenstelling tot bij de profs, bestaat er voor de amateurs ook geen scenario om de wedstrijden door te schuiven tot na de zomerstop. Door vandaag de knoop door te hakken willen we vooral iedereen duidelijkheid geven."

19:45
VNO-NCW en MKB ha begryp

Wurkjouwersorganisaasje VNO-NCW en MKB-Nederland begripe de ferlinging fan de coronamaatregels. "De hoop van veel ondernemers is natuurlijk dat op een zeker moment gefaseerd er al wat sectoren voorzichtig hun deuren zouden kunnen openen." Mar de prioriteit leit by it yn stân hâlden fan de soarch yn de sikehûzen en it beheinen fan de fersprieding fan it firus.

19:35
2.400 plakken op de IC

Kommende snein moatte der foar 2.400 pasjinten plak wêze op de intensive care yn Nederlân, seit minister De Jonge. Op it stuit steane der 1.900 bêden klear.

Trefwurden: 
coronafirus COVID-19
(advertinsje)
(advertinsje)