Op & Ut: Grutte útfiner Nikola Tesla yn de spotlights
Alle sneonen binne yn it programma Op & Ut nijsgjirrige saken op radio en tv. Yn de útstjoering fan dizze wike krijt presintator Douwe Heeringa besite fan toanielklup it Akkrumer Dreamteater en fertelt studint Gélina Hoogsteen fan it Friesland College oer in útstalling oer útfiner Nikola Tesla.
Nikola Tesla
Hy wurdt de grutste útfiner fan de wrâld neamd: Nikola Tesla. Hy is ûnder oare de betinker fan wikselgelykstroom, wêrtroch't ús hjoeddeistige elektryske apparaten fan stroom fersjoen wurde kinne. Yn Ljouwert is in eksposysje mei wurk fan Tesla te sjen en learlingen fan it Friesland College hawwe dêroan meiwurke.
Frysk Toaniel yn Akkrum
It Akkrumer Dreamteater hat in nij toanielstik skreaun. 'Doazen' is it ferfoch op harren eardere toanielstik 'Mutsen' en giet oer wat seis suskes allegearre by de ein hawwe. Se binne allegearre ferskillend, dus is der ûnderling in protte te dwaan.
Piet Paulusma en Klaas Piekstra
Yn de túnrubryk fertelt Klaas ûnder oare oer de kivytsblom. It blomke liket op in ljipaai. Piet Paulusma praat ús by oer it rûge waar. De boppeloft is kâld, en dat betsjut dat by depresjes de buien fûl binne.