Fytster ferwûne yn Drachten nei oanriding tsjin auto
In fytster is woansdeitejûn yn Drachten ferwûne rekke nei't se oanriden waard troch in auto. Se is op it plak fan it ûngelok stabilisearre en dêrnei mei de ambulânse nei it sikehûs brocht.
It ûngelok barde op de rotonde fan de Lauwers mei de Oprijlaan. It is net presys bekend wat de ferwûningen de frou hat.
De botsing soe kommen wêze troch in foarrangsflater. De rotonde wie woansdei in skoft ôfsletten fanwegen de helpferliening.