Plysje Noardeast Fryslân siket tsjûgen mishanneling by tenniskompleks Kollum
De plysje fan Noardeast Fryslân siket tsjûgen fan in mishanneling by de tennisbaan oan de Adje Lambertuslaan yn Kollum. De mishanneling soe sneintemiddei plak fûn hawwe. De plysje is op syk nei tsjûgen fan it foarfal, wêrby't it slachtoffer ferwûne rekke.
De mishanneling barde om healwei seizen hinne op snein. It slachtoffer moast yn in bocht fan it fytspaad oan de Adje Lambertuslaan útwike foar fytsen dy't dêr delset wiene. Hjirtroch rekke it slachtoffer yn ûnbalâns. Inkelde fytsen foelen doe om.
In tal jonges seach dit barren en gie it slachtoffer efternei. Ek waard mei in blikje smiten. Fierderop waard it slachtoffer slein troch ien fan de jonges. Troch de klap foel hy en rekke dêrby ferwûne.
De plysje fan Noardeast Fryslân komt graach yn kontakt mei minsken dy't mear ynformaasje oer it foarfal hawwe. De belutsen jongeren wurde oproppen om harren te melden.
